റഷ്യയില്‍ ഭൂകമ്പം; 7.8 തീവ്രത രേഖപ്പെടുത്തി, സുനാമി മുന്നറിയിപ്പുമായി അധികൃതര്‍

മോസ്്‌കോ: (www.kasargodvartha.com 18.07.2017) റഷ്യയില്‍ ഭൂകമ്പം. കംചത്ക പെനിന്‍സുലയിലുണ്ടായ ശക്തമായ ഭൂകമ്പത്തിന് റിക്ടര്‍ സ്‌കെയിലില്‍ 7.8 തീവ്രത രേഖപ്പെടുത്തി. ഇതുവരെ ആളപയാമൊന്നുമുണ്ടായിട്ടില്ല. വടക്കന്‍ പസഫിക് ഉള്‍ക്കടലിലാണ് ഭൂകമ്പത്തിന്റെ പ്രഭവകേന്ദ്രം. റഷ്യയിലെ പ്രമുഖ നഗരമായ നികോള്‍സ്‌കോയിയില്‍ നിന്ന് 200 കിലോമീറ്റര്‍ ദൂരമാണ് കംചത്ക പെനിന്‍സുലയെന്ന ഉപദ്വീപിലേക്കുള്ളത്.

പ്രാദേശിക സമയം ചൊവ്വാഴ്ച രാവിലെ 11.34 നാണ് ഭൂകമ്പമുണ്ടായത്. 10 കിലോമീറ്റര്‍ ചുറ്റളവില്‍ മാത്രമേ പ്രകമ്പനം അനുഭവപ്പെട്ടുള്ളൂ. അതേസമയം 300 കിലോമീറ്റര്‍ ചുറ്റളവില്‍ സുനാമി തിരകള്‍ വരാന്‍ സാധ്യതയുണ്ടെന്നാണ് അധികൃതരുടെ വിശദീകരണം. പ്രദേശത്ത് സുനാമി മുന്നറിയിപ്പ് നല്‍കിയതായും അധികൃതര്‍ അറിയിച്ചു.