യുഎസില്‍ പള്ളിയില്‍ വെടിവെപ്പ്; 27 മരണം

By Web Desk SNNov 6, 2017, 10:41 IST

ടെക്സാസ്:(www.kasargodvartha.com 06/11/2017) യുഎസില്‍ പള്ളിയില്‍ വെടിവെപ്പ്. 27 പേര്‍ മരണപ്പെട്ടു. ടെക്സാസ് സതര്‍ലാന്റിലെ പള്ളിയിലാണ് തോക്കുധാരിയായ ആക്രമി വെടിയുതിര്‍ത്തത്. പ്രാദേശിക സമയം 11 മണിയോടെയാണ് സംഭവം. ഞായറാഴ്ച പ്രാര്‍ത്ഥനയ്‌ക്കെത്തിയതായിരുന്നു വിശ്വാസികള്‍.

ഈ സമയം പള്ളിക്കകത്തേക്ക് പ്രവേശിച്ച തോക്കുധാരി പള്ളിയിലുള്ളവര്‍ക്ക് നേരെ വെടിയുതിര്‍ക്കുകയായിരുന്നു. ആക്രമി പിന്നീട് പോലീസിന്റെ വെടിയേറ്റ് മരിച്ചു. വെടിവെപ്പില്‍ 30 ലേറെ പേര്‍ക്ക് പരിക്കേല്‍ക്കുകയും ചെയ്തിട്ടുണ്ട്.