പുതുവല്‍സര ദിനത്തില്‍ വാട്സ്ആപ് പണിമുടക്കി

By Webdesk ViJan 1, 2018, 14:30 IST

വാഷിങ്ങ്ടണ്‍:(www.kasargodvartha.com 01/01/2018) അമേരിക്കയും ഇന്ത്യയുമടക്കമുള്ള ചില രാജ്യങ്ങളില്‍ ഇന്നലെ അര്‍ധരാത്രി വാട്സ് ആപ് പണിമുടക്കിയതിനാല്‍ പുതുവല്‍സര ആശംസകള്‍ അയക്കാനാനാകാതെ ഉപയോക്താക്കള്‍ കുടുങ്ങി. ഇന്നലെ ഇന്ത്യന്‍ പ്രാദേശിക സമയം അര്‍ധരാത്രിയോടെയാണ് ജനപ്രിയ സന്ദേശഗ്രൂപ്പായ വാട്സ്ആപ്പില്‍ സാങ്കേതിക തകരാര്‍ ശ്രദ്ധയില്‍പ്പെട്ടത്.

ഇതോടെ അര്‍ധരാത്രി പുതുവല്‍സരാംശസ അയക്കാനായി കാത്തിരുന്നവര്‍ ഒരു മണിക്കൂറിലധികം പ്രതിസന്ധിയിലായി. ഒരുമണിയോടെയാണ് തകരാര്‍ പരിഹരിച്ചത്. ഇന്ത്യ, ബ്രസീല്‍, അമേരിക്ക, മലേഷ്യ തുടങ്ങിയ രാജ്യങ്ങളിലാണ് തകരാര്‍ സംഭവിച്ചത്. സര്‍വര്‍ സംബന്ധമായ പ്രശ്നം പരിഹരിച്ചതോടെ പ്രതിസന്ധി നീങ്ങി.