Anniversary Celebration | മ്യൂസിക് ലൗ 24 കലാ കുടുംബം വാർഷികാഘോഷം മെയ് 29ന്

കാസർകോട്: (www.kasargodvartha.com) മ്യൂസിക് ലൗ 24 കലാകുടുംബം ഒമ്പതാം വാർഷികവും കുടുംബ സംഗമവും മെയ് 29ന് 10മണി മുതൽ കാസർകോട് മുനിസിപൽ വനിത ഹോളിൽ നടക്കുമെന്ന് സംഘാടകർ വാർത്താസമ്മേളനത്തിൽ അറിയിച്ചു. എൻഎ നെല്ലിക്കുന്ന് എംഎൽഎ ഉദ്ഘാടനം ചെയ്യും. അഡ്വ. സി എച് കുഞ്ഞമ്പു എംഎൽഎ അധ്യക്ഷത വഹിക്കും. കുടുംബ സംഗമം കാസർകോട് നഗരസഭ ചെയർമാൻ അഡ്വ. വി എം മുനീർ ഉദ്ഘാടനം ചെയ്യും. കാസർകോട് ബ്ലോക് പഞ്ചായത് മെമ്പർ ജമീല അഹ്‌മദ്‌ സമ്മാനദാനം നിർവഹിക്കും.
                       
നിരവധി കലാകാരന്മാർക്കും കലാകാരികൾക്കും അവരുടെ കഴിവ് തെളിയിക്കാൻ വേണ്ടി രൂപീകരിച്ച വാട്സ് ആപ് കൂട്ടായ്മയുടെ ഭാഗമായി രെജിസ്റ്റർ ചെയ്ത സംഘടനയാണ് മ്യൂസിക് ലൗ 24 കലാകുടുംബം. സംഘടനയിൽ അംഗത്വമെടുത്ത മെമ്പർമാർക്ക് ചികിത്സാസഹായവും നൽകി വരുന്നുണ്ട്. എംഎൽജിസി 24 ബ്ലഡ് ഗ്രൂപ് എന്ന പേരിൽ വാട്സ് ആപ് കൂട്ടായ്മ കേരളത്തിനകത്തും പുറത്തും രക്തദാനം ചെയ്തു വരുന്നു.