കാസര്‍കോട് നഗരമധ്യത്തില്‍ ബസിടിച്ച് സ്ത്രീക്ക് ദാരുണാന്ത്യം

By Web Desk - MainOct 28, 2019, 12:17 IST

കാസര്‍കോട്: (www.kasargodvartha.com 28.10.2019) കാസര്‍കോട് നഗരമധ്യത്തില്‍ ബസിടിച്ച് സ്ത്രീക്ക് ദാരുണാന്ത്യം. 60 വയസ് പ്രായം തോന്നിക്കുന്ന ഇവരെ തിരിച്ചറിഞ്ഞിട്ടില്ല. തിങ്കളാഴ്ച ഉച്ചയ്ക്ക് 12 മണിയോടെ ബാങ്ക് റോഡില്‍ പോലീസ് സ്‌റ്റേഷന് സമീപം വെച്ചാണ് സംഭവം.

കാസര്‍കോട് -തലപ്പാടി റൂട്ടിലോടുന്ന കെ എല്‍ 14 ഇ 3205 നമ്പര്‍ ഗജനാന ബസാണ് അപകടം വരുത്തിയത്. നടന്നുപോവുകയായിരുന്ന ഇവരുടെ ദേഹത്ത് ബസ് കയറിയിറങ്ങിയതിനെ തുടര്‍ന്ന് സംഭവസ്ഥലത്ത് വെച്ച് തന്നെ മരണം സംഭവിച്ചു. വിവരമറിഞ്ഞ് പോലീസ് സ്ഥലത്തെത്തി.