Collapsed | കാസര്‍കോട് ജെനറല്‍ ആശുപത്രിക്ക് മുന്നിലെ മാവ് പൊട്ടിവീണു; വന്‍ ദുരന്തം ഒഴിവായി; ഓഡിയോളജി സ്പീച് തെറാപി കെട്ടിടത്തിന് കേടുപാട്

കാസര്‍കോട്: (KasargodVartha) കാസര്‍കോട് ജെനറല്‍ ആശുപത്രിയുടെ പ്രധാന കവാടത്തിന് മുന്നിലെ മാവ് പൊട്ടിവീണു. ശനിയാഴ്ച രാവിലെ എട്ട് മണിയോടെയാണ് മാവിന്റെ വലിയ ശിഖരം അപ്രതീക്ഷിതമായി പൊട്ടിവീണത്. ഈ സമയം കാറ്റോ, മഴയോ ഉണ്ടായിരുന്നില്ല. മാവിന്റെ ഉള്‍ഭാഗം പൊള്ളയായതിനാലാണ് താഴേക്ക് പതിച്ചതെന്ന് കരുതുന്നു.

ശാഖ ആദ്യം ഒടിഞ്ഞ് തൂങ്ങുകയായിരുന്നു. ആശുപത്രിയിലെത്തിയ നിരവധി പേര്‍ മരത്തണലില്‍ ഉണ്ടായിരുന്നു. ശബ്ദം കേട്ട ഇവര്‍ പെട്ടെന്ന് ഓടി മാറുകയും മരത്തിനടിയില്‍ നിര്‍ത്തിയിട്ടിരുന്ന വാഹനങ്ങള്‍ ഉടനെ സമീപത്തേക്ക് മാറ്റുകയും ചെയ്തതിന് പിന്നാലെയാണ് മാവ് പൊട്ടിവീണത്.