ശക്തമായ കാറ്റില്‍ മരം കടപുഴകി റോഡിലേക്ക് വീണ് ഗതാഗതം തടസപ്പെട്ടു

By Web Desk - MainJun 9, 2019, 18:50 IST

തളങ്കര: (www.kasargodvartha.com 09.06.2019) ശക്തമായ കാറ്റില്‍ മരം കടപുഴകി റോഡിലേക്ക് വീണ് ഗതാഗതം തടസപ്പെട്ടു. തളങ്കര ഗസ്സാലി നഗറിലാണ് സംഭവം. ഞായറാഴ്ച വൈകിട്ട് 3.45 മണിയോടെയുണ്ടായ ശക്തമായ കാറ്റിലാണ് കാനക്കോട് തറവാടില്‍ സ്ഥിതി ചെയ്തിരുന്ന മരം കടപുഴകി റോഡിലേക്ക് വീണത്.

റോഡ് വഴിയുള്ള ഗതാഗതം പൂര്‍ണമായും തടസപ്പെട്ടു. വിവരമറിഞ്ഞ് ഫയര്‍ഫോഴ്‌സും നാട്ടുകാരും കെ എസ് ഇ ബി ഉദ്യോഗസ്ഥരും സ്ഥലത്തെത്തി മരം മുറിച്ചുമാറ്റിയാണ് ഗതാഗതം പുന:സ്ഥാപിച്ചത്.