ബ്ലൈയ്‌സ് തളങ്കര 18ാം വാര്‍ഷികവും കെട്ടിടോദ്ഘാടനവും 23,24 തീയ്യതികളില്‍

കാസര്‍കോട്: തളങ്കരയിലെ സാമൂഹ്യ വിദ്യാഭ്യാസ കായിക ജീവകാരുണ്യ രംഗങ്ങളില്‍ അവിസ്മരണീയമായ പ്രവര്‍ത്തനങ്ങളിലൂടെ നിറഞ്ഞു നില്‍ക്കുന്ന ബ്ലൈസ് ആര്‍ട്‌സ് സ്‌പോര്‍ട്‌സ് ക്ലബിന്റെ 18ാം വാര്‍ഷികം ഒരു വര്‍ഷം നീണ്ടു നില്‍ക്കുന്ന വിവിധ പരിപാടികളോടെ ആഘോഷിക്കുമെന്നും ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ക്ലബിന് വേണ്ടി തളങ്കര ടി.എ ഇബ്രാഹിം സ്ട്രീറ്റിന് സമീപം നിര്‍മിച്ച കെട്ടിടത്തിടത്തിന്റെ ഉദ്ഘാടനം മാര്‍ച് 23 ന് വൈകിട്ട് ജില്ലാ കലക്ടര്‍ പി.എസ്.മുഹമ്മദ് സഗീര്‍ നിര്‍വഹിക്കും.

നഗരസഭാ ചെയര്‍മാനും ക്ലബിന്റെ വഴികാട്ടിയുമായ ടി.ഇ.അബ്ദുല്ല ചടങ്ങില്‍ അധ്യക്ഷം വഹിക്കും. നഗരസഭാ കൗണ്‍സിലര്‍മാരായ എല്‍.എ.മഹ്മൂദ് ഹാജി, ഹാഷിം കടവത്ത്, എം.കുഞ്ഞിമൊയ്തീന്‍, മുഹമ്മദ് കുഞ്ഞി തായലങ്ങാടി, സാമൂഹ്യ പ്രവര്‍ത്തകരായ മൊയ്‌നുദ്ദീന്‍ കെ.കെ.പുറം, മഹ്മൂദ് സഫര്‍, ബ്ലൈയ്‌സ് ഇന്റര്‍ നാഷണല്‍ പ്രസി. തല്‍ഹത്ത്, ബ്ലൈയ്‌സ് ഇന്റര്‍ നാഷണല്‍ ജനറല്‍ സെക്രട്ടറി ഹസന്‍കുട്ടി പതിക്കുന്നില്‍, ഉസ്മാന്‍ കടവത്ത്, ഹാരിസ് തായലങ്ങാടി, എം.എം. ഹസന്‍, എം. ബഷീര്‍, സലീം വെല്‍വിഷര്‍ എന്നിവര്‍ ആശംസാ പ്രസംഗം നടത്തും.

പി.മാഹിന്‍ മാസ്റ്റര്‍ സ്വാഗതവും ക്ലബ് പ്രസിഡന്റ് നൗഫല്‍ തായല്‍ നന്ദിയും പറയും. 24 ന് രാത്രി ഏഴുമണിക്ക് കാസര്‍കോട് മുന്‍സിപ്പല്‍ കോണ്‍ഫറന്‍സ് ഹാളില്‍ നടക്കുന്ന വിപുലമായ ചടങ്ങില്‍ ഒരു വര്‍ഷം നീണ്ടുനില്‍ക്കുന്ന ആഘോഷ പരിപാടികളുടെ ഉദ്ഘാടനം നഗരസഭാ ചെയര്‍മാന്‍ ടി.ഇ.അബ്ദുല്ല നിര്‍വഹിക്കും.

ജില്ലാ പോലീസ് ചീഫ് എസ്.സുരേന്ദ്രന്‍ മുഖ്യാതിഥിയായിരിക്കും. വിവധ മേഖലകളില്‍ വ്യക്തിമുദ്ര പതിപ്പിച്ച സായിറാം ഗോപാലകൃഷ്ണ ഭട്ട് (സാമൂഹ്യ സേവനം), ഡോ.എം.ഡി.ബള്ളാല്‍ (ആതുരസേവനം), ടി.എ. ഷാഫി (പത്രപ്രവര്‍ത്തനം), പി.എ. മുഹമ്മദ് അന്‍ഫല്‍ (രഞ്ജി ക്രിക്കറ്റ് താരം), കാസര്‍കോട് ചിന്ന(സിനിമാ നടന്‍) എന്നിവരെ ചടങ്ങില്‍ ആദരിക്കും.

ചടങ്ങില്‍ ടി.പി.സി.മെമ്പര്‍ എ.അബ്ദുര്‍ റഹ്മാന്‍, അബ്ദുല്‍ കരീം സിറ്റി ഗോള്‍ഡ്, അബ്ബാസ് ബീഗം, സുലൈമാന്‍ ഹാജി ബാങ്കോട്, എന്‍.എ. അബൂബക്കര്‍, കെ.എസ്. അന്‍വര്‍ സാദത്ത്, മജീദ് തളങ്കര, നൗഫല്‍ തളങ്കര, ടി.എ.മുഹമ്മദ് കുഞ്ഞി, അജ്മല്‍ തളങ്കര എന്നിവര്‍ ആശംസ നേരും.

ക്ലബ് ജനറല്‍ സെക്രട്ടറി സിദ്ദിഖ് ചക്കര സ്വാഗതവും, ട്രഷറര്‍ നിബ്രാസ് നന്ദിയും പറയും. ഒരു വര്‍ഷം നീളുന്ന ആഘോഷ പരിപാടിയുടെ ഭാഗമായി വിദ്യാഭ്യാസ ബോധവല്‍ക്കരണ ക്ലാസ്, മെഡിക്കല്‍ ക്യാമ്പ്, വിവിധ കലാകായിക മത്സരങ്ങള്‍, ട്രാഫിക് ബോധവല്‍ക്കരണ ക്ലാസ് എന്നീ പരിപാടികള്‍ സംഘടിപ്പിക്കും.

വാര്‍ത്താ സമ്മേളനത്തില്‍ ഹസന്‍കുട്ടി പതിക്കുന്നില്‍, മുഹമ്മദലി കുണ്ടില്‍, സലീം വെല്‍വിഷര്‍, ത്വല്‍ഹത്ത് , സിദ്ദിഖ് ചക്കര എന്നിവര്‍ പങ്കെടുത്തു.

Keywords: Thalangara, kasaragod, Kerala, inauguration, Sports, Club, Camp, Thalangara, Blaze, Competition, Traffic class, Anwar sadath, Collector, Ajmal Thalangara, T.E Abdulla, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.