ശബരിമല യുവതീ പ്രവേശനം; പലയിടങ്ങളിലും റോഡ് ഉപരോധം

By Web Desk - MainJan 2, 2019, 13:28 IST

കാസര്‍കോട്: (www.kasargodvartha.com 02.01.2019) രണ്ടു യുവതികള്‍ ശബരിമലയില്‍ ദര്‍ശനം നടത്തിയെന്ന വാര്‍ത്ത പുറത്തുവന്നതിനു പിന്നാലെ കാസര്‍കോട് ജില്ലയിലെ വിവിധ ഭാഗങ്ങളില്‍ ബി ജെ പി - യുവമോര്‍ച്ച പ്രവര്‍ത്തകര്‍ റോഡ് ഉപരോധിച്ചു. ഇതുമൂലം ഗതാഗതം തടസപ്പെട്ടു. ബുധനാഴ്ച രാവിലെയാണ് കെ എസ് ടി പി റോഡ് ചളിയങ്കോട്, ദേശീയപാതയില്‍ കറന്തക്കാട് തുടങ്ങിയ സ്ഥലങ്ങളില്‍ റോഡ് ഉപരോധിച്ചത്.

ശബരിമല യുവതീ പ്രവേശനം; പലയിടങ്ങളിലും റോഡ് ഉപരോധം

കാസര്‍കോട് നഗരത്തില്‍ ബി ജെ പി- യുവമോര്‍ച്ച പ്രവര്‍ത്തകര്‍ പ്രതിഷേധ പ്രകടനം നടത്തുകയും ചെയ്തു. വിവരമറിഞ്ഞ് പോലീസ് സ്ഥലത്തെത്തി. അക്രമ സാധ്യത കണക്കിലെടുത്ത് സംഘര്‍ഷ സാധ്യത മേഖലകളില്‍ വന്‍ പോലീസ് സുരക്ഷ ഒരുക്കിയിട്ടുണ്ട്.