റമദാന്റെ ഒരോ ദിനങ്ങളെയും ആരാധനകള്‍ കൊണ്ട് സജീവമാക്കുക: ഇബ്രാഹിം ഫൈസി ജെഡിയാര്‍

By kvarthakgd1Jun 12, 2017, 13:00 IST

(www.kasargodvartha.com 12.06.2017) നോമ്പ് സ്രഷ്ടാവ് സംവിധാനിച്ചപ്പോള്‍ തന്നെ അതിന്റെ ലക്ഷ്യവും പറഞ്ഞിട്ടുണ്ട്. 'സൂക്ഷ്മത പാലിക്കുന്നവരാവുക' അതാണ് നോമ്പിന്റെ മുഖ്യമായ ലക്ഷ്യം. ആ ലക്ഷ്യം നേടുമ്പോഴേ സ്വര്‍ഗ പ്രവേശം നമുക്ക് കരഗതമാവൂ. സ്വര്‍ഗം സൂക്ഷ്മത പാലിക്കുന്നവര്‍ക്ക് വേണ്ടി താനും. വിശ്വാസി മനസുകളില്‍ ആത്മഹര്‍ഷമേകി സമാഗതമായ റമദാന്റെ ഒരോ ദിനങ്ങളെയും ആരാധനകള്‍ കൊണ്ട് സജീവമാക്കി പാപപങ്കിലമനസും ശരീരവും സംസ്‌കരിച്ചെടുക്കാന്‍ വിശ്വാസി സമൂഹം മുന്നോട്ട് വരണം.