Temple Festival | കണിപുര ഗോപാലകൃഷ്ണ ക്ഷേത്രോത്സവ ലഹരിയില്‍ കുമ്പള; പ്രസിദ്ധമായ വെടിക്കെട്ട് ചൊവ്വാഴ്ച

കുമ്പള: (www.kasargodvartha.com) ചരിത്രപ്രസിദ്ധമായ കുമ്പള കണിപുര ഗോപാലകൃഷ്ണ ക്ഷേത്രോത്സവത്തെ വരവേറ്റ് കുമ്പള ടൗണ്‍. ശ്രദ്ധേയമായ വെടിക്കെട്ട് ചൊവ്വാഴ്ച രാത്രി നടക്കും. ശനിയാഴ്ച ഉത്സവത്തിന് കൊടിയേറിയത് മുതല്‍ കുമ്പളയില്‍ വന്‍ തിരക്കാണ് അനുഭവപ്പെടുന്നത്.
                
ക്ഷേത്രോത്സവത്തിന് വിപുലമായ ഒരുക്കങ്ങളാണ് ക്ഷേത്ര കമിറ്റി ഭാരവാഹികള്‍ ഒരുക്കിയിരിക്കുന്നത്. മുന്‍വര്‍ഷത്തേക്കാള്‍ കൂടുതല്‍ ഭക്തജനങ്ങള്‍ ഇപ്രാവശ്യം ആഘോഷങ്ങള്‍ക്ക് കുമ്പളയിലെത്തുമെന്നാണ് കരുതുന്നത്. ജനുവരി 19 വരെയാണ് വിവിധ ചടങ്ങുകളോടെ ആഘോഷം നടക്കുക.
     
മുന്‍ വര്‍ഷത്തേക്കാള്‍ കൂടുതല്‍ ചന്തകള്‍ ഈ പ്രാവശ്യം ടൗണില്‍ ഇടം പിടിച്ചിട്ടുണ്ട്. ചൊവ്വാഴ്ച രാത്രി കുമ്പളയിലെ സന്നദ്ധ സംഘടനയായ ചിരഞ്ജീവിയുടെ ആഭിമുഖ്യത്തില്‍ ഗാനമേളയും അരങ്ങേറും. തിരക്ക് പരിഗണിച്ച് പൊലീസ് സുരക്ഷാ സംവിധാനം ശക്തമാക്കിയിട്ടുണ്ട്. വിവിധ സ്ഥലങ്ങളില്‍ പൊലീസ് രഹസ്യ ക്യാമറകളും സ്ഥാപിച്ചിട്ടുണ്ട്. കൂടുതല്‍ പൊലീസിനെയും വിന്യസിക്കും. < !- START disable copy paste -->