Criticism | കടൽക്കൊള്ളയ്ക്ക് ഒത്താശ; കേന്ദ്ര-സംസ്ഥാന സർക്കാരുകൾക്കെതിരെ രൂക്ഷ വിമർശനവുമായി വി ഡി സതീശൻ

കാസർകോട്:(Kasargodvartha) കേരളത്തിന്റെ പരിസ്ഥിതിക്ക് ഗുരുതരമായ ആഘാതമുണ്ടാക്കുന്ന കരിമണൽ ഖനനം നടത്താൻ സംസ്ഥാനത്തിന്റെ തീരപ്രദേശം മുഴുവൻ വിട്ടുകൊടുക്കാനുള്ള കേന്ദ്ര-സംസ്ഥാന സർക്കാരുകളുടെ തീരുമാനം നടപ്പാക്കാൻ അനുവദിക്കില്ലെന്ന് പ്രതിപക്ഷ നേതാവ് വി ഡി സതീശൻ ശക്തമായി പ്രസ്താവിച്ചു.

ലാഭക്കൊതി മാത്രം മുൻനിർത്തി, തികച്ചും അശാസ്ത്രീയമായ ഈ നീക്കം കോടിക്കണക്കിന് മത്സ്യത്തൊഴിലാളികളുടെ ജീവിതം തകർക്കും. ഇതിലെ അപകടം തിരിച്ചറിയണമെന്ന് അദ്ദേഹം ഓർമ്മിപ്പിച്ചു. 

ഓഖിക്കും പ്രളയത്തിനും ശേഷം മത്സ്യസമ്പത്തിൽ വലിയ കുറവുണ്ടായ സാഹചര്യത്തിൽ, അനിയന്ത്രിതമായ കരിമണൽ ഖനനം കടലിലും കരയിലും വലിയ പാരിസ്ഥിതിക ദുരന്തങ്ങൾക്ക് കാരണമാകും. ഈ ദുരന്തം മുന്നിൽ കാണാതെ, കരിമണൽ ഖനനം നടത്തി കോടികൾ നേടാൻ ശ്രമിക്കുന്ന കോർപ്പറേറ്റുകളും അതിന് ഒത്താശ ചെയ്യുന്ന കേന്ദ്ര-സംസ്ഥാന സർക്കാരുകളും യാഥാർത്ഥ്യം തിരിച്ചറിയണമെന്നും വി ഡി സതീശൻ ആവശ്യപ്പെട്ടു.

യുഡിഎഫ് സംസ്ഥാന കമ്മിറ്റിയുടെ നേതൃത്വത്തിൽ ഏപ്രിൽ മാസം കാസർകോട് നിന്ന് ആരംഭിക്കുന്ന തീരദേശ സംരക്ഷണ യാത്രയുടെ സംഘാടക സമിതി രൂപീകരണ യോഗം കാസർകോട് മുനിസിപ്പൽ മിനി കോൺഫറൻസ് ഹാളിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

കാസർകോട് എംഎൽഎ എൻ എ നെല്ലിക്കുന്ന് യോഗത്തിൽ അധ്യക്ഷത വഹിച്ചു. കൺവീനർ എ ഗോവിന്ദൻ നായർ സ്വാഗതം പറഞ്ഞു. രാജ്‌മോഹൻ ഉണ്ണിത്താൻ എംപി മുഖ്യപ്രഭാഷണം നടത്തി. 

ഡിസിസി പ്രസിഡന്റ് പി കെ ഫൈസൽ, മഞ്ചേശ്വരം എംഎൽഎ എ കെ എം അഷറഫ്, നേതാക്കളായ സി ടി അഹമ്മദലി, ഹക്കീം കുന്നിൽ, കെ നീലകണ്ഠൻ, ഹരീഷ് ബി നമ്പ്യാർ, അഡ്വ: എ ഗോവിന്ദൻ നായർ, കൂക്കൾ ബാലകൃഷ്ണൻ, ഹാന്റ്‌സ് ജോസഫ്, പി പി അടിയോടി, നാഷണൽ അബ്ദുല്ല, എം കുഞ്ഞമ്പു നമ്പ്യാർ, എം സി പ്രഭാകരൻ, അഡ്വ: കെ കെ രാജേന്ദ്രൻ, പി ജി ദേവ്, സാജിദ് മവ്വൽ, ബി പി പ്രദീപ് കുമാർ, മുനീർ ഹാജി, വി കെ രവീന്ദ്രൻ, അബ്ദുല്ല കുഞ്ഞി ചെർക്കള, കരിമ്പിൽ കൃഷ്ണൻ, അഷറഫ് എടനീർ, വി ആർ വിദ്യാസാഗർ, അഡ്വ: പി വി സുരേഷ്, ഗീത കൃഷ്ണൻ, ധന്യ സുരേഷ്, മാഹിൻ കേളോട്ട്, കെ ഖാലിദ്, അസീസ് മരിക്കേ, മാമുനി വിജയൻ, സോമശേഖര ഷേണി, ബഷീർ വെള്ളിക്കോത്ത്, പി കുഞ്ഞിക്കണ്ണൻ, കെ വി ഭക്തവത്സലൻ, ടി ഗോപിനാഥൻ നായർ, സി വി ഭാവനൻ, മധുസൂദനൻ ബാലൂർ, മഞ്ജുനാഥ ആൽവാ, ജോയ് ജോസഫ്, മഡിയൻ ഉണ്ണികൃഷ്ണൻ എന്നിവരും യോഗത്തിൽ സംസാരിച്ചു.

സംഘാടക സമിതി:

മുഖ്യ രക്ഷാധികാരി: രാജ്‌മോഹൻ ഉണ്ണിത്താൻ എംപി
രക്ഷാധികാരികൾ: പി കെ ഫൈസൽ, കല്ലട്ര മാഹിൻ ഹാജി, സി ടി അഹമ്മദലി, എ അബ്‌ദുറഹിമാൻ, എ കെ എം അഷറഫ് എംഎൽഎ, ഹകീം കുന്നിൽ
ചെയർമാൻ: എൻ എ നെല്ലിക്കുന്ന് എംഎൽഎ
ജനറൽ കൺവീനർ: എ ഗോവിന്ദൻ നായർ
ട്രഷറർ: ജെറ്റോ ജോസഫ്
സെക്രട്ടറി: അഡ്വ: എ ഗോവിന്ദൻ നായർ

501 അംഗ കമ്മിറ്റിയാണ് രൂപീകരിച്ചിട്ടുള്ളത്.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

 VD Satheesan strongly criticizes the Centre and State governments' decision to allow sand mining in Kerala's coastal areas, warning of severe environmental damage.

#VDSatheesan, #KeralaEnvironment, #SandMining, #PoliticalCriticism, #CoastalProtection, #KeralaNews