ടി ഇ അബുല്ലയുടെ പേര് വെട്ടിയത് കോഴിക്കോട്ട് നിന്നും ലിസ്റ്റ് പാണക്കാട്ട് എത്തിയപ്പോൾ

കാസര്‍കോട്: (www.kasargodvartha.com 12.03.2021) കാസർകോട് നിയമസഭാ മണ്ഡലത്തിൽ പ്രഥമ പരിഗണനയിലുണ്ടായിരുന്ന മുസ്ലീം ലീഗ് ജില്ലാ പ്രസിഡണ്ടും മുൻനഗരസഭാ ചെയർമാനുമായ ടി ഇ അബുല്ലയുടെ പേര് വെട്ടിയത് കോഴിക്കോട്ട് നിന്നും സ്ഥാനാർത്ഥി ലിസ്റ്റ് പാണക്കാട്ട് എത്തിയപ്പോൾ അച്ചടിച്ച സ്ഥാനാര്‍ത്ഥി ലിസ്റ്റിൽ ടി.ഇ.അബ്ദുല്ലയുടെ പേര് ഉച്ചയ്ക്ക് 12 മണിവരെ ഉണ്ടായിരുന്നു.

ലിസ്റ്റ് പാണക്കാട്ടെത്തിയപ്പോൾ ടി ഇ യുടെ പേര് വെട്ടി എൻ എ നെല്ലിക്കുന്നിൻ്റെ പേര് ബോൾ പെൻ കൊണ്ട് എഴുതി ചേർക്കുകയായിരുന്നു. പേര് വെട്ടി തിരുത്തിയതിൻ്റെ കോപി ഇപ്പോൾ നേതാക്കൾക്കിടയിലും പ്രവർത്തകർക്കിടയിലും പ്രചരിക്കുന്നുണ്ട്. മുസ്ലീം ലീഗ് മല്‍സരിക്കുന്ന 27 മണ്ഡലങ്ങളില്‍ രണ്ടിടത്ത് ഒഴികെ ബാക്കി എല്ലായിടത്തേയും സ്ഥാനാര്‍ത്ഥികളുടെ പേര് ഇതിലുണ്ട്. കാസര്‍കോടിന് നേരെ മലയാളത്തില്‍ ടൈപ്പ് ചെയ്ത പേര് മാത്രം വെട്ടി പച്ച മഷിയില്‍ എന്‍ എ നെല്ലിക്കുന്ന് എന്ന് എഴുതിയ ലിസ്റ്റാണ് സോഷ്യൽ മീഡിയയിലടക്കം പ്രചരിക്കുന്നത്.