Political Speech | ഏകശിലാ മതരാഷ്ട്രമാക്കാൻ ഇന്ത്യൻ ജനത അനുവദിക്കില്ല: കെ.കെ. അബ്ദുൽ ജബ്ബാർ

കാസർകോട്: (KasargodVartha) അടിസ്ഥാന ജനവിഭാഗങ്ങളുടെ അവകാശങ്ങൾക്കായി പോരാടുന്ന രാഷ്ട്രീയ പ്രസ്ഥാനമാണ് എസ്ഡിപിഐ എന്നും ഫാസിസ്റ്റ് സർക്കാർ കൊണ്ടുവന്ന നിയമഭേദഗതികൾക്കെതിരെ തെരുവിലിറങ്ങിയതാണ് കേന്ദ്രസർക്കാരിനെ ചൊടിപ്പിച്ചതെന്നും എസ്ഡിപിഐ സംസ്ഥാന ജനറൽ സെക്രട്ടറി കെ.കെ. അബ്ദുൽ ജബ്ബാർ പറഞ്ഞു. പാർട്ടി ദേശീയ അധ്യക്ഷൻ എം.കെ. ഫൈസിയെ ഇ.ഡി.യെ ഉപയോഗിച്ച് അന്യായമായി അറസ്റ്റ് ചെയ്തെന്നും അദ്ദേഹം കൂട്ടിച്ചേർത്തു.

സംഘപരിവാർ ഉദ്ദേശിക്കുന്ന ഏകശിലാ ഹിന്ദുത്വ രാജ്യമാക്കാനാണ് ബിജെപി ശ്രമിക്കുന്നത്. എന്നാൽ ഇന്ത്യൻ ജനത അത് അനുവദിക്കില്ല. ജനാധിപത്യവും സോഷ്യലിസവും സംരക്ഷിക്കാൻ പാർട്ടി പോരാടുമെന്നും അദ്ദേഹം പറഞ്ഞു. എസ്ഡിപിഐ കാസർകോട് ജില്ലാ കമ്മിറ്റി സംഘടിപ്പിച്ച എം.കെ. ഫൈസിയെ നിരുപാധികം വിട്ടയക്കുക എന്നാവശ്യപ്പെട്ടുള്ള ഐക്യദാർഢ്യ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

ജില്ലാ പ്രസിഡൻ്റ് സി.എ. സവാദ് അധ്യക്ഷത വഹിച്ചു. സോഷ്യൽ ജസ്റ്റിസ് ഫോറം ചെയർമാൻ സുബൈർ പടുപ്പ്, വെൽഫെയർ പാർട്ടി ജില്ലാ ജനറൽ സെക്രട്ടറി യൂസുഫ് ചെമ്പരിക്ക, സോളിഡാരിറ്റി ജില്ലാ ജനറൽ സെക്രട്ടറി റാഷിദ് മുഹ്‌യുദ്ദീൻ, വിമൻ ഇന്ത്യ ജില്ലാ പ്രസിഡൻ്റ് നജ്മ റഷീദ്, എസ്ഡിപിഐ ജില്ലാ ട്രഷറർ ആസിഫ് ടി.ഐ. എന്നിവർ സംസാരിച്ചു. ജില്ലാ ജനറൽ സെക്രട്ടറി ഖാദർ അറഫ സ്വാഗതവും ജില്ലാ സെക്രട്ടറി മുനീർ എ.എച്ച് നന്ദിയും പറഞ്ഞു.

SDPI State General Secretary K.K. Abdul Jabbar stated that the Indian people will not allow the BJP's attempt to create a monolithic Hindu nation. He accused the central government of targeting SDPI and unjustly arresting their national president M.K. Faizy using the ED. He affirmed SDPI's commitment to fighting for democracy and socialism, speaking at a solidarity meeting in Kasaragod demanding Faizy's release.

#SDPI #KKAbdulJabbar #MKFaizy #IndianPolitics #Fascism #Democracy