മന്ത്രി വിവാദം കൊഴുക്കുമ്പോള്‍ മടിക്കൈയില്‍ സിപിഎം-സിപിഐ പോര്

മടിക്കൈ: (www.kasargodvartha.com 25/11/2017) സംസ്ഥാന തലത്തില്‍ മന്ത്രി വിവാദം കൊഴുക്കുമ്പോള്‍ പാര്‍ട്ടി ഗ്രാമമായ മടിക്കൈയില്‍ സിപിഎം-സിപിഐ പോര് മുറുകുന്നു. ഈയിടെ പ്രമുഖ സിപിഐ പ്രവര്‍ത്തകന്‍ ബാബുകുട്ടന്റെ നേതൃത്വത്തില്‍ 15 ഓളം സിപിഐ പ്രവര്‍ത്തകര്‍ രാജിവെച്ച് സിപിഎമ്മില്‍ ചേര്‍ന്നിരുന്നു. ഇവര്‍ക്ക് അമ്പലത്തറ ലോക്കല്‍ കമ്മിറ്റിയുടെ നേതൃത്വത്തില്‍ ഉജ്വല വരവേല്‍പ്പാണ് സിപിഎം നല്‍കിയത്. ഇതേതുടര്‍ന്നാണ് പ്രശ്‌നത്തിന് തുടക്കമെന്നാണ് സൂചന.

ഇതിനു പിന്നാലെയാണ് ഡിസംബര്‍ 16,17 തീയ്യതികളില്‍ സിപിഎമ്മിന്റെയും സിപിഐയുടെയും ഏരിയാ സമ്മേളനങ്ങള്‍ മടിക്കൈയില്‍ നടക്കുന്നത്. സിപിഎം ഏരിയാ സമ്മേളനം കാഞ്ഞിരപ്പൊയിലിലും സിപിഐ മണ്ഡലം സമ്മേളനം അമ്പലത്തറയിലുമാണ് നടക്കുന്നത്. ഇതിന്റെ ഭാഗമായി സിപിഎം അമ്പലത്തറയില്‍ സ്ഥാപിച്ച കൊടിയും തോരണങ്ങളും കഴിഞ്ഞ ദിവസം അജ്ഞാതര്‍ നശിപ്പിച്ചു.