കുത്തിവെപ്പിനെ തുടര്‍ന്ന് ഐ.എന്‍.ടി.യു.സി പ്രവര്‍ത്തകന്‍ ആശുപത്രിയില്‍ മരിച്ചു
Aug 18, 2012, 11:39 IST
കാസര്‍കോട്: കുത്തിവെപ്പിനെ തുടര്‍ന്ന് ഐ.എന്‍.ടി.യു.സി പ്രവര്‍ത്തകന്‍ ആശുപത്രിയില്‍ മരിച്ചു. പൊയിനാച്ചിയിലെ ചുമട്ടു തൊഴിലാളിയും ഐ.എന്‍.ടി.യു.സി. പ്രവര്‍ത്തകനുമായ പൊയിനാച്ചി പൊന്നത്തടുക്കയിലെ കെ.അനില്‍കുമാറാണ്(30) മരിച്ചത്. വെളളിയാഴ്ച രാത്രി ദേഹാസ്വാസ്ഥ്യം മൂലം കാസര്‍കോട് കിംസ് ആശുപത്രിയില്‍ പ്രവേശിപ്പിക്കുകയായിരുന്നു.
ശനിയാഴ്ച പുലര്‍ച്ചെ 4.30 മണിയോടെ അസ്വസ്ഥത പ്രകടിപ്പിച്ചതിനെ തുടര്‍ന്ന് കുത്തിവെപ്പ് നല്‍കി. കുത്തിവെപ്പ് നല്‍കിയ ഉടനെ തളര്‍ന്ന് വീണ അനില്‍കുമാറിനെ ഉടന്‍ തന്നെ ഐ.സി.യു. വിലേക്ക് മാറ്റിയെങ്കിലും പുലര്‍ച്ചെ 6.30 മണിയോടെ മരണപ്പെട്ടു. അഞ്ചു മണിക്ക് ബന്ധുവിനെ കാണാന്‍ അനുവദിച്ചിരുന്നു. അപ്പോഴേക്കും തീര്‍ത്തും അവശനിലയിലായിരുന്നു അനില്‍കുമാറെന്ന് ബന്ധുക്കള്‍ പറഞ്ഞു.
മരണത്തില്‍ ബന്ധുക്കള്‍ സംശയം പ്രകടിപ്പിച്ചതിനെ തുടര്‍ന്ന് മൃതദേഹം പരിഹാരം മെഡിക്കല്‍ കോളേജ് ആശുപത്രിയില്‍ വിദഗ്ദ്ധ പോസ്റ്റ്‌മോര്‍ട്ടത്തിനായി കൊണ്ട് പോകും. പി.കുഞ്ഞിരാമന്‍ നായര്‍-അമ്മാളുഅമ്മ ദമ്പതികളുടെ മകനാണ്. ഭാര്യ: പ്രസീത. സഹോദരങ്ങള്‍: ബാലകൃഷ്ണന്‍, ശശികല, ലീല, സാവിത്രി.
Keywords: Kasaragod, Hospital, Kerala, Poinachi, Obituary, I.N.T.U.C, Ponnathadukka
Tags
Share this story
