ബൈക്കില്‍ നിയന്ത്രണം വിട്ട ലോറിയിടിച്ച് യുവാവ് മരിച്ചു

By Web Desk - MainFeb 2, 2018, 20:05 IST

പെരിയ: (www.kasargodvartha.com 02.02.2018) ബൈക്കില്‍ നിയന്ത്രണം വിട്ട ലോറിയിടിച്ച് യുവാവ് മരിച്ചു. കുണിയ കാലിയടുക്കത്തെ മുനീറിന്റെ മകനും പെരിയാട്ടടുക്കത്തെ മൊബൈല്‍ഷോപ്പ് ജീവനക്കാരനുമായ അനീസുദ്ദീന്‍ (20) ആണ് മരിച്ചത്. വെള്ളിയാഴ്ച രാവിലെ 10 മണിയോടെ കുണിയ ദേശീയപാതയില്‍ അനീസുദ്ദീന്‍ സഞ്ചരിച്ചിരുന്ന ബൈക്കില്‍ മംഗളൂരുവില്‍ നിന്നും വരികയായിരുന്ന കോഴി ലോറി ഇടിക്കുകയായിരുന്നു.

മംഗളൂരു ആശുപത്രിയിലേക്കുള്ള യാത്രാമധ്യേ മരണപ്പെട്ടു. നഫീസയാണ് മാതാവ്. സമദ്, റാസിഖ്, അഫ്സല്‍ എന്നിവര്‍ സഹോദരങ്ങള്‍.