യുവാവ് കുളിമുറിയില്‍ കുഴഞ്ഞുവീണു മരിച്ചു

By Web Desk - MainJan 20, 2020, 13:36 IST

പയ്യന്നൂര്‍: (www.kasargodvartha.com 20.01.2020) യുവാവ് കുളിമുറിയില്‍ കുഴഞ്ഞുവീണു മരിച്ചു. കോറോം നോര്‍ത്ത് തുള്ളുവടക്കത്തെ സുബ്രഹ്മണ്യ ഷേണായി മന്ദിരത്തിനടുത്തുള്ള കളത്തിലെ വളപ്പില്‍ ഷിജു (35) ആണ് മരിച്ചത്. പരേതനായ ഗോവിന്ദന്‍- ശാന്ത ദമ്പതികളുടെ മകനാണ്. ഞായറാഴ്ച രാത്രി 7.30 മണിയോടെ വീട്ടിലെത്തിയ ഷിജു കുളിമുറിയില്‍ പോയതായിരുന്നു.

രാത്രി ഭക്ഷണം കഴിക്കാന്‍ നോക്കിയപ്പോള്‍ കാണാത്തതിനെ തുടര്‍ന്ന് പരിശോധിച്ചപ്പോഴാണ് കുളിമുറിയില്‍ മരിച്ച നിലയില്‍ കണ്ടെത്തിയത്. സി പി എം പയ്യന്നൂര്‍ ടൗണ്‍ ബ്രാഞ്ച് മെമ്പറും സി ഐ ടി യു ഡിവിഷന്‍ കമ്മറ്റി മെമ്പറുമാണ്. ഏക സഹോദരന്‍ ഷിനു.