അസുഖത്തെ തുടര്‍ന്ന് ചികിത്സയിലായിരുന്ന യുവാവ് മരിച്ചു

By Web Desk - MainFeb 26, 2019, 11:09 IST

കാസര്‍കോട്: (www.kasargodvartha.com 26.02.2019) അസുഖത്തെ തുടര്‍ന്ന് ചികിത്സയിലായിരുന്ന യുവാവ് മരിച്ചു. ചൂരി മീപ്പുഗിരിയിലെ പി യു ഇസ്മാഈല്‍- ഖദീജ ദമ്പതികളുടെ മകന്‍ മുഹമ്മദ് ഫവാസ് (35) ആണ് മരിച്ചത്. അസുഖത്തെ തുടര്‍ന്ന് എട്ടു മാസത്തോളമായി ചികിത്സയിലായിരുന്നു. ചൊവ്വാഴ്ച പുലര്‍ച്ചെ രണ്ടു മണിയോടെ കാസര്‍കോട്ടെ സ്വകാര്യാശുപത്രിയില്‍ വെച്ചായിരുന്നു അന്ത്യം.

കാസര്‍കോട് ചക്കര ബസാറില്‍ ഇലക്ട്രോണിക്‌സ് കട നടത്തിവരികയായിരുന്നു. ഭാര്യ: ജസീല (മൊഗ്രാല്‍ പുത്തൂര്‍). ഏക മകന്‍ ഫൈസല്‍ (അഞ്ച് വയസ്). സഹോദരങ്ങള്‍: റിയാസ്, മുംതാസ്. ഖബറടക്കം ചൊവ്വാഴ്ച ഉച്ചയോടെ ചൂരി ഹൈദ്രോസ് ജുമാമസ്ജിദ് ഖബര്‍സ്ഥാനില്‍ നടക്കും.