സര്‍പ്പത്തെ പിടിക്കുന്നതിനിടെ കാണാതായ യുവാവിന്റെ മൃതദേഹം കുളത്തില്‍
Jul 20, 2012, 14:15 IST
അടുക്കത്ത്ബയല്‍ ഗുഡെ ടെമ്പിള്‍ റോഡിലെ കോട്ടവളപ്പിലെ ബാബു-യശോദ ദമ്പതികളുടെ മകന്‍ പ്രവീണ്‍കുമാറി(22) നെയാണ് കുളത്തില്‍ മരിച്ച നിലയില്‍ കണ്ടെത്തിയത്. വ്യാഴാഴ്ച രാത്രി ഏഴുമണിയോടെയാണ് പ്രവീണ്‍ കുമാര്‍ ജോലി കഴിഞ്ഞ് വീട്ടിലെത്തിയത്.
ഇതിനിടയില്‍ വീടിന്റെ മേല്‍കൂരയില്‍ ഓടിനടുത്ത് സര്‍പ്പത്തെ കണ്ടെത്തിയിരുന്നു. പാമ്പിനെ പിടികൂടാന്‍ പ്രവീണ്‍കുമാറടക്കമുളളവര്‍ ശ്രമിച്ചിരുന്നുവെങ്കിലും പാമ്പിനെ പിടികൂടാന്‍ കഴിഞ്ഞിരുന്നില്ല. ഇതിനിടയില്‍ കാണാതായ പ്രവീണിന് വേണ്ടി വീട്ടുകാരും നാട്ടുകാരും അന്വേഷിച്ചെങ്കിലും കണ്ടെത്താന്‍ കഴിഞ്ഞില്ല.
വെള്ളിയാഴ്ച രാവിലെയാണ് പ്രവീണ്‍ കുമാറിന്റെ മൃതദേഹം കുളത്തില്‍ കണ്ടെത്തിയത്. പോലീസ് സ്ഥലത്തെത്തി മൃതദേഹം ഇന്‍ക്വസ്റ്റ് നടത്തിയതിന് ശേഷം ജനറല്‍ ആശുപത്രിയിലെ മോര്‍ച്ചറിയിലേക്ക് മാറ്റി. അടുത്ത്ബയലിലെ അഡൈ്വന്റ് മാര്‍ബിള്‍ കടയിലെ ജീവനക്കാരനാണ് പ്രവീണ്‍ കുമാര്‍.
സഹോദരങ്ങള്‍: യോഗീഷ് കുമാര്‍, സവിത, നിധീഷ് കുമാര്‍.
Keywords: kasaragod, Kerala, Missing, Youth, Obituary
Tags
Share this story
