ബൈകും ലോറിയും കൂട്ടിയിടിച്ച് യുവാവ് മരിച്ചു; ഒരാൾക്ക് ഗുരുതരം

ബണ്ട് വാൾ: (www.kasargodvartha.com 26.02.2021) ബൈകും ലോറിയും കൂട്ടിയിടിച്ച് യുവാവ് മരിച്ചു. ഒരാൾക്ക് ഗുരുതരമായി പരിക്കേറ്റു. ബൈക് യാത്രക്കാരനായ ബെൽത്തങ്ങാടിയിലെ ഇസ്മാഈൽ (22) ആണ് മരിച്ചത്. കൂടെയുണ്ടായിരുന്ന സുഹൃത്ത് ബെൽത്തങ്ങാടി അലാകെ സ്വദേശി അബ്ബാസിനെ (22) പരിക്കുകളോടെ മംഗളൂരുവിലെ ആശുപത്രിയിൽ പ്രവേശിപ്പിച്ചു.
                                                                      
വിട്ടൽ - പുത്തൂർ റോഡിലെ കമ്പാലബെട്ടു ബദനാജെയിൽ വ്യാഴാഴ്ച രാത്രി ആയിരുന്നു സംഭവം. വിട്ടലിലേക്ക് പോവുകയായിരുന്ന ലോറി യുവാക്കൾ സഞ്ചരിച്ച ബൈകിൽ ഇടിക്കുകയായിരുന്നു. ഇടിയുടെ ആഘാതത്തിൽ രണ്ട് പേരും റോഡിലേക്ക് തെറിച്ചു വീഴുകയായിരുന്നു. സംഭവ സ്ഥലം സന്ദർശിച്ച പൊലീസ് സംഘം കേസെടുത്ത് അന്വേഷണം ആരംഭിച്ചു. < !- START disable copy paste -->