മഞ്ഞപ്പിത്തം ബാധിച്ച് ചികിത്സയിലായിരുന്ന യുവതി മരിച്ചു

By Web Desk - MainMay 14, 2018, 20:44 IST

കാഞ്ഞങ്ങാട്: (www.kasargodvartha.com 14.05.2018) മഞ്ഞപ്പിത്തം ബാധിച്ച് ചികിത്സയിലായിരുന്ന യുവതി മരിച്ചു. മാലോം കണ്ണീര്‍വാടിയിലെ ഗോപി- നാരായണി ദമ്പതികളുടെ മകള്‍ സുനിത (23)യാണ് മരിച്ചത്. മഞ്ഞപ്പിത്തം ബാധിച്ച സുനിതയെ പരിയാരം മെഡിക്കല്‍ കോളജിലും മംഗളൂരുവിലെ ഫാദര്‍ മുള്ളേഴ്സ് ആശുപത്രിയിലും പ്രവേശിപ്പിച്ചിരുന്നു.

പിന്നീട് കോഴിക്കോട് മെഡിക്കല്‍ കോളേജ് ആശുപത്രിയിലേക്ക് മാറ്റുകയായിരുന്നു. ഇവിടെ വെച്ചാണ് മരണം സംഭവിച്ചത്. ഏക സഹോദരന്‍ സുരേഷ്.