ടാക്‌സിയിടിച്ച് ബൈക്ക് യാത്രക്കാരായ രണ്ട് യുവാക്കള്‍ മരിച്ചു

ബദിയഡുക്ക: ബൈക്കില്‍ വാനിടിച്ച് രണ്ട് യുവാക്കള്‍ മരിച്ചു. കേരള - കര്‍ണാടക അതിര്‍ത്തിയിലെ അടുക്കസ്ഥലയില്‍ ശനിയാഴ്ച അര്‍ധ രാത്രിയാണ് അപകടമുണ്ടായത്. അടുക്കസ്ഥല മുകേരു ജുമാമസ്ജിദിനടുത്ത മുഹമ്മദ് ഷരീഫ് (28), അയല്‍ക്കാരനും സുഹൃത്തുമായ മുഹമ്മദ് സാഹിര്‍ (22)എന്നിവരാണ് മരിച്ചത്.

മുഹമ്മദ് ഷരീഫ്

കബക്കയിലെ ഒരു വിവാഹ വീട്ടില്‍ പോയി ബൈക്കില്‍ മടങ്ങുമ്പോള്‍ പെര്‍ളയില്‍ നിന്ന് വിട്ടഌഭാഗത്തേക്ക് പോവുകയായിരുന്ന തൂഫാന്‍ ടാക്‌സി വാഹനം ഇടിക്കുകയായിരുന്നു. അപകടത്തിന് ശേഷം ടാക്‌സി നിര്‍ത്താതെ പോയി. ശബ്ദം കേട്ട് ഓടിക്കൂടിയ നാട്ടുകാര്‍ ചോരയില്‍ കുളിച്ചുകിടക്കുന്ന ഇരുവരെയും തൊട്ടടുത്ത ആശുപത്രിയിലെത്തിച്ചെങ്കിലും രക്ഷിക്കാനായില്ല.

അപകട സ്ഥലത്ത് വാനിന്റെ കണ്ണാടി തെറിച്ചു വീണിരുന്നു. ഇത് കൈക്കലാക്കാന്‍ അല്‍പം കഴിഞ്ഞപ്പോള്‍ ബൈക്കില്‍ ഒരാള്‍ എത്തിയത് നാട്ടുകാരുടെ ശ്രദ്ധയില്‍ പെടുകയും സംശയം തോന്നിയ നാട്ടുകാര്‍ ഇയാളെ പിടികൂടി പോലീസിന് കൈമാറുകയും ചെയ്തു.

മുഹമ്മദ് സാഹിര്‍

ചോദ്യം ചെയ്യലില്‍ അപകടം വരുത്തിയ വാഹനത്തിന്റെ ഡ്രൈവര്‍ കുദ്ദുപ്പദവ് സ്വദേശി ഉദയന്‍ (40) ആണ് ഇയാളെന്ന് വ്യക്തമായി. ഇയാളെ ബദിയഡുക്ക പോലീസിന്റെ സഹായത്തോടെ വിട്ട്‌ള പോലീസ് അറസ്റ്റ് ചെയ്തു.

ദുബൈയിലായിരുന്ന മുഹമ്മദ് ഷരീഫ് അവധിയില്‍ നാട്ടില്‍ വന്നതായിരുന്നു. ഷരീഫായിരുന്നു ബൈക്ക് ഓടിച്ചിരുന്നത്. അബ്ദുല്‍ ഖാദര്‍ - ഫാത്വിമത്ത് ബീവി ദമ്പതികളുടെ മകനാണ് ഷരീഫ്. അനീസ, ജമീല, ഷര്‍ബാന എന്നിവര്‍ സഹോദരങ്ങളാണ്. മൊയ്തു - ഫാത്വിമത്ത് സുഹറ ദമ്പതികളുടെ മകനാണ് സഗീര്‍. നസീര്‍, നസ്മിന, നിഷാദ് എന്നിവര്‍ സഹോദരങ്ങളാണ്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords : Badiyadukka, Kerala, Bike, Obituary, Kasaragod, Accident, Shareef, Muhammed Sahir, Udayan, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.