ദുരൂഹ സാഹചര്യത്തില്‍ പെണ്‍കുട്ടി പൊള്ളലേറ്റ് മരിച്ചു

തൃക്കരിപ്പൂര്‍: (www.kasargodvartha.com 11.08.2014) 10-ാം ക്ലാസ് വിദ്യാര്‍ത്ഥിനി ദുരൂഹ സാഹചര്യത്തില്‍ പൊള്ളലേറ്റ് മരിച്ചു. തൃക്കരിപ്പൂര്‍ കൊയങ്കരയിലെ ഓട്ടോഡ്രൈവര്‍ കെ.വി രമേശന്‍ - രാധ ദമ്പതികളുടെ മകള്‍ ജിഷ്‌ന ( 15 ) ആണ് മരിച്ചത്. ഉദിനൂര്‍ ഗവ. ഹയര്‍സെക്കന്‍ഡറി സ്‌കൂളിലെ വിദ്യാര്‍ത്ഥിയാണ്.

തിങ്കളാഴ്ച വൈകുന്നേരം അഞ്ച് മണിയോടെയാണ് നാടിനെ നടുക്കിയ സംഭവമുണ്ടായത്. വൈകിട്ട്  സ്‌കൂള്‍ വിട്ട് വീട്ടിലെത്തിയ ജിഷ്‌നയ്ക്ക് അടുക്കളയില്‍ വെച്ച് പൊള്ളലേല്‍ക്കുകയായിരുന്നു. ഈ സമയം വീട്ടില്‍ ആരും ഉണ്ടായിരുന്നില്ല.

തീ കത്തുന്നത് കണ്ട് ഓടിക്കൂടിയ നാട്ടുകാര്‍ പെണ്‍കുട്ടിയെ ഉടന്‍ തന്നെ പരിയാരം മെഡിക്കല്‍ കോളജിലേക്ക് കൊണ്ടുപോയെങ്കിലും ജീവന്‍ രക്ഷിക്കാനായില്ല. മണ്ണെണ്ണ പെണ്‍കുട്ടിയുടെ ശരീരത്തിന് അകത്തും ചെന്നിരുന്നു. ഇത് കാരണം ആന്തരികാവയവങ്ങള്‍ക്ക് ഗുരുതരമായ പൊള്ളലേറ്റതാണ് മരണത്തിനു കാരണമായത്.