സഹോദരിയുടെ മരണവിവരമറിഞ്ഞെത്തിയ 62കാരി കുഴഞ്ഞുവീണു മരിച്ചു

By Desk AlphaMar 10, 2014, 17:40 IST

തൃക്കരിപ്പൂര്‍: സഹോദരിയുടെ മരണവിവരമറിഞ്ഞെത്തിയ 62കാരി കുഴഞ്ഞു വീണു മരിച്ചു. തെക്കിലിലെ പരേതനായ മര്‍ണാടിയന്‍ കുഞ്ഞിരാമന്റെ ഭാര്യ മാപ്പിടിച്ചേരി സരോജിനി(62) യാണ് മരിച്ചത്.

തിങ്കളാഴ്ച പുലര്‍ച്ചെ മരിച്ച സഹോദരി ശാന്തയുടെ മൃതദേഹം സന്ദര്‍ശിച്ച് പുറത്തിറങ്ങിയപ്പോള്‍ കുഴഞ്ഞുവീഴുകയായിരുന്നു. ആശുപത്രിയിലെത്തിച്ചെങ്കിലും രക്ഷിക്കാനായില്ല. മാപ്പിടിച്ചേരി മാധവിയുടെ മകളാണ്. മക്കള്‍: മനോജ് (ഓട്ടോഡ്രൈവര്‍), സുനില്‍, സുമേഷ്.