ഗര്‍ഭിണി ഭര്‍തൃവീട്ടിലെ കിണറ്റില്‍ മരിച്ച നിലയില്‍; മൃതദേഹം പരിയാരത്തേക്ക്

കാസര്‍കോട്: ആറുമാസം ഗര്‍ഭിണിയായ യുവതിയെ ഭര്‍തൃവീട്ടിലെ കിണറ്റില്‍ മരിച്ച നിലയില്‍ കണ്ടെത്തി.  ആദൂര്‍ പോലീസ് സ്‌റ്റേഷന്‍ പരിധിയിലെ അഡൂര്‍ സന്തക്കടവിലെ മേഘരാജിന്റെ ഭാര്യയും മടിക്കേരി കൊടക്കരി സ്വദേശിനിയുമായ യശോദ എന്ന സൗമ്യ(24)യാണ് മരിച്ചത്.

ശനിയാഴ്ച രാത്രി ഏഴുമണിയോടെയാണ് കിണറില്‍ മൃതദേഹം കണ്ടത്. ആദൂര്‍ പോലീസും ഫയര്‍ഫോഴ്‌സും ചേര്‍ന്നാണ് മൃതദേഹം പുറത്തെടുത്തത്. രാത്രി തന്നെ കാസര്‍കോട് ജനറല്‍ ആശുപത്രിയില്‍ എത്തിച്ച മൃതദേഹം യുവതിയുടെ ബന്ധുക്കള്‍ മരണത്തില്‍ സംശയം പ്രകടിപ്പിച്ചതിനെ തുടര്‍ന്ന് വിദഗ്ധ പോസ്റ്റുമോര്‍ട്ടത്തിനായി ശനിയാഴ്ച ഉച്ചയോടെ പരിയാരം മെഡിക്കല്‍ കോളജ് ആശുപത്രിയിലേക്ക് കൊണ്ടുപോയി.

കൊടക്കരിയിലെ ബങ്കോജി റാവു-ചന്ദ്രാവതി ദമ്പതികളുടെ മകളായ യശോദയുടെ വിവാഹം രണ്ടരവര്‍ഷം മുമ്പാണ് കഴിഞ്ഞത്. ഒന്നര വയസുള്ള അനുശ്രി മകളാണ്. മേഘരാജ് സ്വകാര്യ ബസ് ഡ്രൈവറാണ്. യശോദയ്ക്ക് ഭര്‍തൃവീട്ടില്‍ പീഡനം നേരിടുന്നതായി നേരത്തെ പരാതി ഉയര്‍ന്നിരുന്നു. ഭര്‍തൃ വീട്ടിലെ പീഡനത്തെ തുടര്‍ന്ന് യശോദ കിണറ്റില്‍ ചാടി ജീവനൊടുക്കിയതായി സംശയിക്കുന്നതായും അന്വേഷണം നടത്തിവരികയാണെന്നും ആദൂര്‍ പോലീസ് പറഞ്ഞു.

ഹരീഷ്, ലോലാക്ഷി എന്നിവര്‍ യശോദയുടെ സഹോദരങ്ങളാണ്.

Keywords:  Kerala, kasaragod, Adoor, Woman, Well, hospital, husband, Housewife, Deadbody, Police, fire force, suicide, Investigation, Obituary, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.