Obituary | മഹാത്മാഗാന്ധിയുടെ പ്രപൗത്രി നിലംബെൻ പരീഖ് അന്തരിച്ചു

വഡോദര: (KasargodVartha) മഹാത്മാഗാന്ധിയുടെ പ്രപൗത്രി നിലംബെൻ പരീഖ് (92) അന്തരിച്ചു. ഗുജറാത്തിലെ നവസാരിയിലുള്ള വസതിയിലായിരുന്നു അന്ത്യം. ഗാന്ധിജിയുടെ മകൻ ഹരിലാലിന്റെ ചെറുമകളാണ് നിലംബെൻ പരീഖ്. ഹരിലാൽ ഗാന്ധിയും മഹാത്മാഗാന്ധിയും തമ്മിലുള്ള ബന്ധത്തെക്കുറിച്ച് എഴുതിയ പുസ്തകത്തിലൂടെയാണ് നിലംബെൻ പ്രശസ്തയായത്. ഹരിലാൽ ഗാന്ധിയുടെയും ഭാര്യ ഗുലാബിന്റെയും അഞ്ച് മക്കളിൽ മൂത്തവളായ റാമി ബെന്നിന്റെ മകളായിരുന്നു നിലംബെൻ.

ആദിവാസി സ്ത്രീകളുടെ ഉന്നമനത്തിനായി ജീവിതം സമർപ്പിച്ച സാമൂഹിക പ്രവർത്തകയായിരുന്നു നിലംബെൻ. പിന്നാക്ക വിഭാഗങ്ങൾക്ക് വിദ്യാഭ്യാസവും തൊഴിൽ പരിശീലനവും നൽകുന്നതിനായി ജീവിതം ഉഴിഞ്ഞുവെച്ചു. മകൻ സമീർ പരീഖ് നവസാരിയിൽ നേത്രരോഗവിദഗ്ദ്ധനായി ജോലി ചെയ്യുകയാണ്. മകനാണ് മരണവിവരം പുറത്തുവിട്ടത്. സംസ്‌കാരചടങ്ങുകള്‍ വീർവാൾ ശ്മശാനത്തിൽ നടക്കും. പരേതനായ യോഗേന്ദ്രഭായിയാണ് ഭർത്താവ്.

ഈ വാർത്ത കൂടുതൽ ആളുകളിലേക്ക് എത്തിക്കാൻ ഷെയർ ചെയ്യൂ. നിങ്ങളുടെ അഭിപ്രായങ്ങൾ കമന്റുകളായി രേഖപ്പെടുത്തുക.

Nilamben Parikh, Mahatma Gandhi's great-granddaughter, passed away at the age of 92. She was known for her social work, especially for the upliftment of tribal women, and also wrote a book about her grandfather Harilal Gandhi's relationship with Mahatma Gandhi.

#MahatmaGandhi #NilambenParikh #Obituary #SocialWork #IndiaNews #Gujarat