ബോട്ടില്‍ നിന്നും പുഴയില്‍വീണ് കാണാതായ യുവാവിന്റെ മൃതദേഹം കണ്ടെത്തി
Jan 30, 2017, 10:29 IST
ചെറുവത്തൂര്‍: (www.kasargodvartha.com 30/01/2017) ബോട്ടില്‍ നിന്നും പുഴയില്‍വീണ് കാണാതായ യുവാവിന്റെ മൃതദേഹം കണ്ടെത്തി. മടക്കര മല്‍സ്യബന്ധനകേന്ദ്രത്തിനുസമീപം നങ്കൂരമിട്ട ബോട്ടില്‍ നിന്നും വീണ് കര്‍ണാടക കുന്ദാപുരത്തെ നന്ദിയുടെ മകന്‍ നാഗരാജാണ്(28) മരണപ്പെട്ടത്.
കാവുഞ്ചിറയിലെ പി പി ഹെമവതിയുടെ ഇഉടമസ്ഥതയിലുള്ള നവദുര്‍ഗ ബോട്ടില്‍ തൊഴിലാളിയായ നാഗരാജ് ശനിയാഴ്ച രാത്രി മല്‍സ്യബന്ധനം കഴിഞ്ഞ് ബോട്ടില്‍ തിരിച്ചെത്തിയിരുന്നു. നങ്കൂരമിട്ട ബോട്ടില്‍ നിന്നും ഇറങ്ങാനുള്ള ശ്രമത്തിനിടെ നാഗരാജ് തലകറങ്ങി പുഴയില്‍ വീഴുകയായിരുന്നു.
പുഴയില്‍ കാണാതായ യുവാവിനെ കണ്ടെത്താന്‍ പോലീസും ഫയര്‍ഫോഴ്‌സും നാട്ടുകാരും തിരച്ചില്‍ നടത്തി. ഏറെനേരത്തെ തിരച്ചിലിനുശ്ഷം ഞായറാഴ്ച വൈകുന്നേരത്തോടെയാണ് മൃതദേഹം കണ്ടെത്തിയത്. ചന്തേര പോലീസ് ഇന്‍ക്വസ്റ്റ് നടത്തിയ മൃതദേഹം പോസ്റ്റുമോര്‍ട്ടത്തിനുശേഷം ബന്ധുക്കള്‍ക്ക് വിട്ടുകൊടുത്തു.
Keywords: Cheruvathur, Kasaragod, Obituary, Boat, Death, Fisher Man, River, Missing youth's dead body recovered from river
Tags
Share this story
