കൂലിതൊഴിലാളിയെ തൂങ്ങിമരിച്ച നിലയില്‍ കണ്ടെത്തി

രാജപുരം: (www.kasargodvartha.com 09.11.2018) കൂലിതൊഴിലാളിയായ മധ്യവയസ്‌കന്‍ കിടപ്പ് മുറിയില്‍ തൂങ്ങിമരിച്ചു. പാറക്കടവിലെ രാജനാ(48)ണ് തൂങ്ങിമരിച്ചത്. വ്യാഴാഴ്ച വൈകിട്ട് സിഡിഎസ് ചെയര്‍പേഴ്സണായ ഭാര്യ മാധവി സ്ഥലത്തുണ്ടായിരുന്നില്ല. തറവാട് വീട്ടില്‍ പോയി തിരിച്ച് വീട്ടിലെത്തിയ മകള്‍ ദിവ്യയാണ് രാജനെ തൂങ്ങിമരിച്ച നിലയില്‍ കണ്ടത്.

ഉടന്‍ തന്നെ ബന്ധുക്കളെ വിളിച്ച് വരുത്തി ജില്ലാശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാന്‍ കഴിഞ്ഞില്ല. മാധവിയുടെ സഹോദരന്‍ കുമാരന്റെ പരാതിയില്‍ രാജപുരം പോലീസ് കേസെടുത്ത് ഇന്‍ക്വസ്റ്റ് നടത്തി പോസ്റ്റ്മോര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് വിട്ടുകൊടുത്തു. മക്കള്‍: ശാരദ, സൗമ്യ, വിദ്യ. മരുമകന്‍ ചന്ദ്രന്‍ മൈലാട്ടി. സഹോദരങ്ങള്‍: മുന്ദന്‍, നാരായണന്‍, കൃഷ്ണന്‍, ചിറ്റ, നാരായണി.