ജോലിക്ക് പോവുകയായിരുന്ന മധ്യവയസ്‌ക്കന്‍ കെ.എസ്.ആര്‍.ടി.സി. ബസിടിച്ച് മരിച്ചു

കാസര്‍കോട്: കടയിലേക്ക് ജോലിക്ക് പോവുകയായിരുന്ന മധ്യവയസ്‌ക്കന്‍ കെ.എസ്.ആര്‍.ടി.സി. ബസിടിച്ച് മരിച്ചു. ശനിയാഴ്ച രാവിലെ എട്ട് മണിയോടെ ബാങ്ക് റോഡില്‍ പോലീസ് സ്‌റ്റേഷന് മുന്‍ വശത്തായാണ് അപകടമുണ്ടായത്.

മല്ലികാര്‍ജുന ക്ഷേത്രത്തിനടുത്ത വസന്ത് ഷേണായിയുടെ പലചരക്കുകടയില്‍ ജീവനക്കാരനായ കറന്തക്കാട് ബി.ജെ.പി. ഓഫീസിന് സമീപം താമസിക്കുന്ന ദിനേശ് ഭട്ട് (58) ആണ് മരിച്ചത്. കടയിലേക്ക് പോകുമ്പോള്‍ കാസര്‍കോട് ഡിപ്പോയില്‍ നിന്നും മംഗലാപുരത്തേക്ക് പോവുകയായിരുന്ന കര്‍ണാടക കെ.എസ്.ആര്‍.ടി.സി. ബസാണ് തട്ടിയത്.

അപകടത്തില്‍ ഗുരുതരമായി പരിക്കേറ്റ ദിനേശ് ഭട്ട് സംഭവ സ്ഥലത്തുവെച്ച് തന്നെ മരണപ്പെട്ടു. മൃതദേഹം പോലീസ് ഇന്‍ക്വസ്റ്റിന് ശേഷം കാസര്‍കോട് ജനറല്‍ ആശുപത്രിയിലേക്ക് മാറ്റി.

സദാനന്ദഭട്ടാണ് പിതാവ്. ഭാര്യ: ശോഭ. മക്കള്‍: ശശാങ്ക ഭട്ട്, ശ്രീരജ്ഞിനി ഭട്ട്. മരുമകന്‍: അനന്ത പത്മനാഭ ഷേണായി.

Also read:
പൂഞ്ചില്‍ ഇന്ത്യന്‍ ക്യാമ്പിന് നേരെ പാക് വെടിവെപ്പ്

Keywords:  Accident, Kasaragod, KSRTC-bus, Obituary, Kerala, Dinesh Bhat, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.