Accident Death | ബൈകിൽ ടിപർ ലോറിയിടിച്ച് 2 ദിവസം മുമ്പ് നാട്ടിലെത്തിയ പ്രവാസിക്ക് ദാരുണാന്ത്യം

ബേക്കൽ: (www.kasargodvartha.com) ബൈകിൽ ടിപർ ലോറിയിടിച്ച് രണ്ട് ദിവസം മുമ്പ് നാട്ടിലെത്തിയ പ്രവാസിക്ക് ദാരുണാന്ത്യം. പാക്കം കരുവാക്കോട്ടെ പരേതനായ കൃഷ്ണൻ - ലക്ഷ്മി ദമ്പതികളുടെ മകൻ സി ഗണേഷ് (48) ആണ് മരിച്ചത്. പള്ളിക്കര പാക്കം ജംക്ഷനിൽ ബുധനാഴ്ച വൈകീട്ടോടെയാണ് അപകടമുണ്ടായത്. കുട്ടികൾക്ക് ബേകറി സാധനങ്ങൾ വാങ്ങാനായി കടയിലേക്ക് വരികയായിരുന്നു.
                                  
ഗണേഷ് സഞ്ചരിച്ച ബൈകിൽ അമിത വേഗതയിലെത്തിയ ടിപർ ലോറി ഇടിക്കുകയായിരുന്നുവെന്നാണ് വിവരം. ഗുരുതരമായി പരിക്കേറ്റ ഗണേശനെ ഉടൻ കാഞ്ഞങ്ങാട്ടെ ജില്ലാശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

വിവരമറിഞ്ഞു ബേക്കൽ പൊലീസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്. ടിപർ ലോറിയുടെ അമിത വേഗതയാണ് അപകടത്തിന് കാരണമെന്ന് ദൃക്‌സാക്ഷികൾ പൊലീസിന് മൊഴി നൽകിയിട്ടുണ്ട്.

ലോറി നിർത്താതെ പോയതായാണ് പരാതി.

ഭാര്യ: രാഗി. രണ്ട് മക്കളുണ്ട്.

സഹോദരങ്ങൾ: സാവിത്രി (സാബു), ശ്രീമതി, പ്രമീള, പ്രകാശൻ, പരേതയായ ശാന്ത. < !- START disable copy paste -->