കാര്‍ നിയന്ത്രണംവിട്ട് മറിഞ്ഞ് യുവാവ് മരിച്ചു

By Web Desk - MainMar 20, 2019, 12:03 IST

പരപ്പ: (www.kasargodvartha.com 20.03.2019) കാര്‍ നിയന്ത്രണംവിട്ട് മറിഞ്ഞ് യുവാവ് മരിച്ചു. കമ്മാടം ചീറ്റ വളവില്‍ ബുധനാഴ്ച പുലര്‍ച്ചെയാണ് അപകടമുണ്ടായത്. ബിരിക്കുളം പെരിയങ്ങാനത്തെ നിസാര്‍ (30) ആണ് മരിച്ചത്. പരപ്പയില്‍ നിന്ന് ബിരിക്കുളം ഭാഗത്തേക്ക് പോകുകയായിരുന്ന കാര്‍ നിയന്ത്രണം വിട്ട് തല കീഴായി മറിയുകയായിരുന്നു.

കാറിനകത്ത് കുടുങ്ങിയ നിസാറിനെ കാര്‍ വെട്ടിപ്പൊളിച്ച് പുറത്തെടുത്ത് ആശുപത്രിയിലെത്തിച്ചെങ്കിലും അപ്പോഴേക്കും മരണം സംഭവിച്ചിരുന്നു. മത്സ്യവില്‍പന തൊഴിലാളിയാണ്.