ആല്‍മരത്തിന്റെ കൊമ്പ് ഒടിഞ്ഞുവീണ് ഗുരുതരമായി പരിക്കേറ്റ് ചികിത്സയിലായിരുന്നയാള്‍ മരിച്ചു

By Web Desk - MainApr 9, 2018, 16:09 IST

കുമ്പള: (my.kasargodvartha.com 09.04.2018) ആല്‍മരത്തിന്റെ കൊമ്പ് ഒടിഞ്ഞുവീണ് ഗുരുതരമായി പരിക്കേറ്റ് ചികിത്സയിലായിരുന്നയാള്‍ മരിച്ചു. മിയാപ്പദവിലെ കര്‍ഷകന്‍ ജയപ്രകാശ് ആള്‍വ (38)യാണ് മരിച്ചത്. ബായിക്കട്ട അമ്പലടുക്കയില്‍ വെള്ളിയാഴ്ച വൈകിട്ടാണ് അപകടമുണ്ടായത്. കോഴിയങ്കം നടക്കുന്നതിനിടെ ആല്‍മരത്തിന്റെ കൊമ്പ് ഒടിഞ്ഞ് ജയപ്രകാശിന്റെ ദേഹത്ത് പതിക്കുകയായിരുന്നു.

ഗുരുതരമായി പരിക്കേറ്റ ജയപ്രകാശിനെ മംഗളൂരുവിലെ ആശുപത്രിയില്‍ പ്രവേശിപ്പിച്ചതായിരുന്നു. ഞായറാഴ്ച രാത്രിയാണ് മരണം സംഭവിച്ചത്. ഭാര്യ: പ്രമീള. മക്കള്‍: പ്രകൃതി, നിഹാരിക.

Related News:
കോഴി അങ്കത്തിനിടെ മരക്കൊമ്പ് പൊട്ടിവീണ് മൂന്ന് പേര്‍ക്ക് പരിക്ക്; ഒരാളുടെ നില ഗുരുതരം