എസ്.ടി.യു നേതാവ് മജീദ് തളങ്കര അന്തരിച്ചു

കാസര്‍കോട്: പ്രമുഖ തൊഴിലാളി നേതാവും ബീഡി തൊഴിലാളി ഫെഡറേഷന്‍ (എസ്.ടി.യു) സംസ്ഥാന പ്രസിഡണ്ടുമായ കാസര്‍കോട് തളങ്കര കടവത്ത് ഗ്രീന്‍ ഹൗസിലെ മജീദ് തളങ്കര (73) അന്തരിച്ചു. പൗരപ്രമുഖനായ പരേതനായ തളങ്കര ടി.എ. ഹസന്‍ കുട്ടിയുടെയും ഉമ്മാലിമ്മയുടെയും മകനാണ്.

തിങ്കളാഴ്ച ഉപ്പളയില്‍ എസ്.ടി.യു. സംസ്ഥാന പ്രചരണയാത്രയുടെ ഉദ്ഘാടന വേദിയില്‍ നിന്ന് വീണ് പരിക്കേറ്റ അദ്ദേഹം മംഗലാപുരത്തെ ഇന്ത്യാന ആശുപത്രിയില്‍ ചികിത്സയിലായിരുന്നു. മഗ്‌രിബ് നിസ്‌ക്കാരത്തിനായി സ്‌റ്റേജില്‍ നിന്ന് ഇറങ്ങുന്നതിനിടെ ബോധരഹിതനായി വീഴുകയായിരുന്നു. തുടര്‍ന്ന് ഉപ്പളയിലെ ആശുപത്രിയില്‍ പ്രഥമ ശുശ്രൂഷ നല്‍കിയതിന് ശേഷം മംഗലാപുരത്തേക്ക് മാറ്റിയിരുന്നു. വീഴ്ചയില്‍ മജീദ് തളങ്കരയുടെ തലയ്ക്കും കഴുത്തിലെ എല്ലിനുമാണ് പരിക്കേറ്റത്. വെള്ളിയാഴ്ച വൈകുന്നേരം ഏഴുമണിയോടെയായിരുന്നു അന്ത്യം.

30 വര്‍ഷത്തോളം കോഴിക്കോട് മാവൂര്‍ ഗ്വാളിയോര്‍ റയോണ്‍സില്‍ ജീവനക്കാരനായിരുന്നു. ഇ.ടി.
മുഹമ്മദ് ബഷീറിനോടൊപ്പം ഇവിടെ എസ്.ടി.യു.പ്രവര്‍ത്തനം കെട്ടിപ്പെടുക്കാന്‍ ഏറെ പ്രയത്‌നിച്ചിരുന്നു. എം.എസ്.എഫിലൂടെ രാഷ്ട്രീയ രംഗത്ത് കടന്നുവന്ന മജീദ് തളങ്കര എം.എസ്.എഫിന്റെ സംസ്ഥാന സെക്രട്ടറിയായി പ്രവര്‍ത്തിച്ചിരുന്നു. കേന്ദ്ര മന്ത്രി ഇ. അഹമ്മദ്, ഇ.ടി. മുഹമ്മദ് ബഷീര്‍ എം.പി, പരേതനായ പി.എം.അബൂബക്കര്‍ എന്നിവരുടെ ഉറ്റ സുഹൃത്തായിരുന്നു.

തളങ്കര കടവത്ത് മൊയ്തീന്‍പള്ളി പ്രസിഡണ്ടായിരുന്നു. തളങ്കര കണ്ടത്തില്‍ ഹിദായത്തു സിബിയാന്‍ മദ്രസ പ്രസിഡണ്ട്, തളങ്കര മാലിക് ദീനാര്‍ ജമാഅത്ത് കൗണ്‍സില്‍അംഗം എന്നീ നിലകളില്‍ പ്രവര്‍ത്തിച്ചിട്ടുണ്ട്. ഭാര്യ: നഫീസ. മക്കള്‍: നിസാര്‍ തളങ്കര (കെ.എം.സി.സി.യു.എ.ഇ. സെക്രട്ടറി), സുഹ്‌റ തളങ്കര, അഷ്‌റഫ് തളങ്കര, മുജീബ് തളങ്കര (കാസര്‍കോട് മുനിസിപ്പല്‍ മുസ്‌ലിം യൂത്ത്‌ലീഗ് ട്രഷറര്‍), റഫീഖ് തളങ്കര (എഞ്ചിനിയര്‍). മരുമക്കള്‍: ഷാഫി തളങ്കര, സൈദ തെരുവത്ത്,സൈബുജ ചിത്താരി, ഷമീമ കാഞ്ഞങ്ങാട്, ജമീല ബാംഗ്ലൂര്‍.
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords : Kasaragod, Kerala, Obituary, STU, Majeed Thalangara, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News Malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.