ലോട്ടറി സ്റ്റാളില്‍ അടിയേറ്റ ജീവനക്കാരന്‍ ആശുപത്രിയില്‍ മരിച്ചു

കാസര്‍കോട്: ലോട്ടറി സ്റ്റാളില്‍ അടിയേറ്റ ജീവനക്കാരന്‍ ആശുപത്രിയില്‍ മരിച്ചു. കാസര്‍കോട് ട്രാഫിക് സര്‍ക്കിളിന് സമീപം റെയില്‍വേസ്റ്റേഷന്‍ റോഡിലെ 'ശ്രീസുഗന്ധി' ലോട്ടറി സ്റ്റാളിലെ ജീവനക്കാരന്‍ കുമ്പള കണിപുര ഗോപാലകൃഷ്ണ ക്ഷേത്രത്തിന് സമീപത്തെ വെങ്കിടേശ്വരയുടെ മകന്‍ ഹരിനമ്പീശന്‍ (55)  ആണ് മരിച്ചത്.

ഇപ്പോള്‍ നെല്ലിക്കുന്നിലാണ് ഹരിനമ്പീശന്‍ താമസിക്കുന്നത്. നേരത്തെ കാസര്‍കോട് കെ.എസ്.ആര്‍.ടി. ബസ് സ്റ്റാന്‍ഡിന് സമീപത്തെ ലോട്ടറിക്കടയിലാണ് ജോലിചെയ്തിരുന്നത്. ആറ് മാസം മുമ്പ് ആരംഭിച്ച ശ്രീസുഗന്ധി ലോട്ടറി സ്റ്റാളില്‍ ജോലിക്ക് ചേരുകയായിരുന്നു. ശനിയാഴ്ച ഉച്ചയ്ക്ക് 2.30 മണിയോടെ ലോട്ടറിക്കടയില്‍ ബഹളംനടക്കുന്നത് കേട്ട് പരിസരത്തുള്ളവര്‍ എത്തിയപ്പോഴാണ് നെറ്റിയില്‍ മുറിവേറ്റ നിലയില്‍ ഹരിനമ്പീശനെ കണ്ടത്.

ലോട്ടറി സ്റ്റാള്‍ ഉടമ കോഴിക്കോട് സ്വദേശി ബിജുവാണ് സാമ്പത്തിക ഇടപാടിന്റെ പേരില്‍ ഹരിനമ്പീശനെ അടിച്ചത്. അടിയേറ്റ ഹരിനമ്പീശനെ കാസര്‍കോട് ജനറല്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. സംഭവത്തിന് ശേഷം ബിജു പോലീസില്‍ ഹാജരായി.

ഭാര്യ: ഗിരിജ. മക്കള്‍: ഗൗരി, ഗ്രീഷ്മ, വെങ്കിടേശ്വര. വിവരമറിഞ്ഞ് ബന്ധുക്കള്‍ എത്തിയിട്ടുണ്ട്. പോലീസ് അന്വേഷണം ആരംഭിച്ചു. മൃതദേഹം വിദഗ്ദ്ധ പോസ്റ്റുമോര്‍ട്ടത്തിനയക്കുമെന്ന് പോലീസ് അറിയിച്ചു.

Also read:
ഉപരോധം പിന്‍വലിച്ച രാഷ്ട്രീയ തന്ത്രം സി.പി.എം. തീരുമാനിച്ച് അറിയിച്ചിരുന്നു
Keywords:  Obituary, Kasaragod, Death, Killed, Kerala, Lottery Worker, Hospital, Attack, Injured, Assault, Harinambeeshan, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.