തട്ടു കടയുടമ ജോലി ചെയ്യുന്നതിനിടെ കുഴഞ്ഞു വീണു മരിച്ചു

By Web Desk - MainFeb 28, 2018, 10:44 IST

കാഞ്ഞങ്ങാട്: (www.kasargodvartha.com 28.02.2018) തട്ടു കടയുടമ ജോലി ചെയ്യുന്നതിനിടെ കുഴഞ്ഞു വീണു മരണപ്പെട്ടു. കുടക് സ്വദേശിയും അതിഞ്ഞാലില്‍ വാടക ക്വാര്‍ട്ടേഴ്‌സില്‍ താമസക്കാരനുമായ അബൂബക്കര്‍ (52) ആണ് കുഴഞ്ഞുവീണ് മരിച്ചത്. ചൊവ്വാഴ്ച വൈകുന്നേരം കടയില്‍ ജോലി ചെയ്യുമ്പോള്‍ അബൂബക്കര്‍ കുഴഞ്ഞുവീഴുകയായിരുന്നു. ഉടന്‍ തന്നെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

അബൂബക്കര്‍ കോട്ടച്ചേരി ട്രാഫിക് സര്‍ക്കിളിന് സമീപം വര്‍ഷങ്ങളായി തട്ടുകട നടത്തിവരികയായിരുന്നു. ഭാര്യ: മൈമൂന. മക്കള്‍: ജസീല, നദീറ (നഴ്‌സിംഗ് വിദ്യാര്‍ത്ഥി), ജംഷി ( ദുര്‍ഗ ഹൈസ്‌കൂള്‍ വിദ്യാര്‍ത്ഥി). മരുമകന്‍: കബീര്‍.