വൈദ്യുതി ജീവനക്കാരന്‍ ഓഫീസില്‍ കുഴഞ്ഞു വീണ് മരിച്ചു

കാസര്‍കോട്: കാസര്‍കോട് വൈദ്യുതി സെക്ഷന്‍ ഓഫീസിലെ ഓവര്‍സിയര്‍ കുഴഞ്ഞുവീണ് മരിച്ചു. പുതിയ ബസ് സ്റ്റാന്‍ഡിന് സമീപത്തെ നുള്ളിപ്പാടി ബദി ബാഗിലുവിലെ പരേതനായ കുഞ്ഞിരാമന്‍ മാസ്റ്റരുടെ മകന്‍ സി കെ സോമനാ(48) ണ് മരിച്ചത്.

തിങ്കളാഴ്ച വൈകിട്ട് ഫീല്‍ഡ് ജോലി കഴിഞ്ഞ് ഓഫീസില്‍ എത്തിയ സോമന്‍ കുഴഞ്ഞു വീഴുകയായിരുന്നു. ഉടന്‍ സഹപ്രവര്‍ത്തകര്‍ കാസര്‍കോട് സ്വകാര്യാശുപത്രിയിലെത്തിച്ചെങ്കിലും രക്ഷിക്കാനായില്ല.

കെഎസ്ഇബി വര്‍ക്കേഴ്‌സ് അസോസിയേഷന്‍ കാസര്‍കോട് യൂണിറ്റ് പ്രസിഡന്റാണ്. ചൊവ്വാഴ്ച രാവിലെ ഒമ്പതിന് കാസര്‍കോട് സെക്ഷന്‍ ഓഫീസില്‍ പൊതുദര്‍ശനത്തിന് ശേഷം മൃതദേഹം സംസ്‌കരിക്കും.

ഭാര്യ: ജയ. മക്കള്‍: സൂരജ്, സുരാജ്. സഹോദരങ്ങള്‍: സുഗുണന്‍, സുരേഷ്, ഷാസ.