കാസര്‍കോട് സ്വദേശിയായ ഹോട്ടല്‍ വ്യാപാരി നാട്ടിലേക്ക് വരാനുള്ള ഒരുക്കത്തിനിടെ ബംഗളൂരുവില്‍ ഹൃദയാഘാതംമൂലം മരിച്ചു

കാസര്‍കോട്: (www.kasargodvartha.com 07.10.2018) കാസര്‍കോട് സ്വദേശിയായ ഹോട്ടല്‍ വ്യാപാരി നാട്ടിലേക്ക് വരാനുള്ള ഒരുക്കത്തിനിടെ ബംഗളൂരുവില്‍ ഹൃദയാഘാതംമൂലം മരിച്ചു. തെക്കില്‍ സ്വദേശിയും ഉദുമയില്‍ താമസക്കാരനുമായ പരേതനായ അബ്ദുര്‍ റഹ് മാന്‍ മുസ്ല്യാരുടെ മകന്‍ ഹബീബ് (47) ആണ് മരിച്ചത്. നെഞ്ചുവേദന അനുഭവപ്പെട്ട ഹബീബിനെ ഉടന്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. വര്‍ഷങ്ങളായി ബംഗളൂരുവില്‍ ഹോട്ടല്‍ വ്യാപാരം നടത്തിവരികയായിരുന്ന ഹബീബ്.

മാതാവ്: പരേതയായ ഫാത്വിമ ബീവി. ഭാര്യ: ഫസീല (ഉദുമ). മക്കള്‍: ഫാദില്‍, അന്‍ഫാല്‍, ഷാദില്‍, സബ, റിഷാല്‍. സഹോദരങ്ങള്‍: ഹക്കീം (സൗദി അറേബ്യ), ഹാജിറ (ചെങ്കള), സാഹിറ (തളങ്കര), ഖദീജ (ഉദുമ), ഉമൈറ (മഞ്ചേശ്വരം). മൃതദേഹം ഞായറാഴ്ച രാവിലെ ഉദുമയിലെ വീട്ടിലെത്തിച്ച ശേഷം ഉച്ചയ്ക്ക് ഒരു മണിയോടെ തെക്കില്‍ തായല്‍ ജുമാമസ്ജിദ് ഖബര്‍സ്ഥാനില്‍ ഖബറടക്കും.