പ്രശസ്ത മാപ്പിളപ്പാട്ട് ഗായകന്‍ ഇബ്രാഹിം ബീരിച്ചേരി അന്തരിച്ചു
Sep 10, 2012, 15:58 IST
അസുഖം ബാധിച്ച് മംഗലാപുരം ആശുപത്രിയില്‍ ചികിത്സയിലായിരുന്നു. തിങ്കളാഴ്ച രാവിലെയാണ് അന്ത്യം സംഭവിച്ചത്. തൃക്കരിപ്പൂര്‍ ബീരിച്ചേരി സ്വദേശിയായ ഇബ്രാഹിമിന്റെ കലാമണ്ഡലം കാസര്‍കോട്ടാണ്. ഇപ്പോള്‍ നീലേശ്വരം പടന്നക്കാട് അനന്തംപള്ളയിലാണ് താമസം.
നിരവധി ആല്‍ബങ്ങള്‍ സംവിധാനം ചെയ്തിട്ടുണ്ട്. കാല്‍നൂറ്റാണ്ടിലേറെ കാലമായി മാപ്പിള പാട്ട് രംഗത്ത് സജീവമാണ് ബീരിച്ചേരി. സാജിതയാണ് ഭാര്യ. മക്കളില്ല. അസീസ് തായിനേരിയുടെ കൂടെ ഒട്ടേറെ ഗാനങ്ങള്‍ രചിക്കുകയും പാടുകയും ചെയ്തിട്ടുണ്ട്. നിരവധി ഓണപ്പാട്ടുകളിലും ബീരിച്ചേരി പാടിയിട്ടുണ്ട്.
മൂന്ന് മാസം മുമ്പ് ഹജ്ജാജി കിളികള്‍ എന്ന വീഡിയോ ആല്‍ബം പുറത്തിറിക്കിയിരുന്നു. ഒട്ടേറെ അവാര്‍ഡുകളും അംഗീകാരങ്ങളും ഇബ്രാഹിം ബീരിച്ചേരിക്ക് ലഭിച്ചിട്ടുണ്ട്. ഒട്ടേറെ ഇമ്പമാര്‍ന്ന മാപ്പിളപാട്ടുകളിലൂടെ നിരവധി ആരാധകരെ സൃഷ്ടിക്കാന്‍ ഇബ്രാഹിമിന് കഴിഞ്ഞു. ലാഹിലാഹ ഇല്ലല്ല, ലാക് ഷുക്രല്ലാഹ്, ബാഗ്ദാദ് മണ്ണില്‍ വാഴും തുടങ്ങിയ ഗാനങ്ങളൊക്കെ ഇബ്രാഹിമിന്റെ നാദസ്വരത്തില്‍ അടര്‍ന്നുവീണ മുത്തുകളായിരുന്നു.
ഈ ഗാനങ്ങളൊക്കെ ഏറെ പ്രശസ്തമാണ്. യേശുദാസിന്റെ തരംഗിണി പുറത്തിറക്കിയ കാസറ്റിലെ കാലം ഒരു പുലര്‍കാലം, ജയചന്ദ്രന്‍ പാടി അനശ്വരമാക്കിയ പൂവും പ്രസാദവും എന്നിവയൊക്കെ നിരവധി വേദികളില്‍ ഇബ്രാഹിം പാടി കൈയ്യടി നേടിയിട്ടുണ്ട്. മൂന്ന് മാസം മുമ്പ് ഹജ്ജാജി കിളികള്‍ എന്ന വീഡിയോ ആല്‍ബം പുറത്തിറിക്കിയിരുന്നു. ശവ്വാല്‍ നിലാവ് എന്ന ആല്‍ബത്തിലും പാടി അഭിനയിച്ചിട്ടുണ്ട്. ഒട്ടേറെ അവാര്‍ഡുകളും അംഗീകാരങ്ങളും ഇബ്രാഹിം ബീരിച്ചേരിക്ക് ലഭിച്ചിട്ടുണ്ട്. മാപ്പിളപ്പാട്ട് കലാകാരന്മാരുടെ സംഘടനയായ 'ഉമ്മാസി'ന്റെ ഭാരവാഹിയാണ് ഇബ്രാഹിം ബീരിച്ചേരി.
Keywords: Kasaragod, Nileshwaram, Singer, Obituary, Kerala, Mappilapatt, Ibrahim Beericheri
Tags
Share this story
