തുണി ഉണക്കാനിടാനായി ടെറസിലേക്ക് കയറിയ വീട്ടമ്മ കോണിയില്‍ നിന്നും വീണ് മരിച്ചു

By Web Desk - MainOct 1, 2018, 12:22 IST

തൃശൂര്‍: (www.kasargodvartha.com 01.10.2018) തുണി ഉണക്കാനിടാനായി ടെറസിലേക്ക് കയറിയ വീട്ടമ്മ കോണിയില്‍ നിന്നും വീണ് മരിച്ചു. പൗണ്ട് മേലേപുരയിടത്തില്‍ വീട്ടില്‍ സെയ്ദ് മുഹമ്മദിന്റെ ഭാര്യ സാബിറ (42)യാണ് മരിച്ചത്. കുടുംബശ്രീ യോഗത്തിനു പോകാനായി വിളിക്കാനെത്തിയ അയല്‍വാസിയായ സ്ത്രീയാണ് സാബിറയെ നിലത്തുവീണുകിടക്കുന്നത് കണ്ടത്.

ഉടന്‍ വേലൂപ്പാടത്തുള്ള സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും അപ്പോഴേക്കും മരണം സംഭവിച്ചിരുന്നു. വീടിന്റെ ടെറസിലെ ഇരുമ്പുകോണിയില്‍ നിന്നാണ് വീണതെന്ന് സംശയിക്കുന്നു. മക്കള്‍: തന്‍വീര്‍, തജ്മല്‍, തസ്ലീമ. മരുമകന്‍: നജീബ്.