ഖുര്‍ആന്‍ പാരായണത്തിനിടെ ഹോട്ടല്‍ വ്യവസായി കുഴഞ്ഞു വീണു മരിച്ചു

ഉപ്പള: സുബ്ഹി നിസ്‌ക്കാരത്തിന് ശേഷം ഖുര്‍ആന്‍ പാരായണം നടത്തുന്നതിനിടെ ഹോട്ടല്‍ വ്യവസായി കുഴഞ്ഞു വീണു മരിച്ചു. ഗോവയില്‍ ഹോട്ടല്‍ വ്യവസായിയായ ഉപ്പള ഹിദായത്ത് നഗര്‍ പച്ചിലമ്പാറ കുണ്ടുപ്പുണിയിലെ ഗോവ മൂസ ഹാജിയാ (65) ണ് വ്യാഴാഴ്ച പുലര്‍ചെ മരിച്ചത്.

റംസാന്‍ വ്രതം അനുഷ്ഠിക്കുന്ന മൂസ ഹാജി അത്താഴവും സുബ്ഹി നിസ്‌ക്കാരവും കഴിഞ്ഞ് വീട്ടില്‍ ഖുര്‍ആന്‍ പാരായണം നടത്തുന്നതിനടെ കുഴഞ്ഞു വീഴുകയായിരുന്നു. ഉടന്‍ വീട്ടുകാര്‍ അദ്ദേഹത്തിന്റെ വായില്‍ വെള്ളം ഒഴിച്ചു കൊടുത്തെങ്കിലും നോമ്പുള്ളതിനാല്‍ അദ്ദേഹം വെള്ളം കുടിക്കാന്‍ തയ്യാറായില്ല. ഉടന്‍ തന്നെ അന്ത്യശ്വാസം വലിക്കുകയും ചെയ്തു.

വര്‍ഷങ്ങളായി ഗോവയില്‍ ഹോട്ടല്‍ വ്യവസായം നടത്തി വരികയായിരുന്നു മൂസ ഹാജി. മുസോടിയിലെ പോക്കര്‍ ഹാജിയുടെ മകള്‍ ബീഫാത്വിമയാണ് ഭാര്യ. മക്കള്‍: മുഹമ്മദ് (ദുബൈ), സിദ്ദിഖ്, കലീല്‍ (ഇരുവരും ഗോവ), മറിയമ്മ ഹനീഫ്, അസീസ്, ഖദീജ, അസ്മീന (മൂവരും വിദ്യാര്‍ത്ഥികള്‍). ഖബറടക്കം ഉച്ചയോടെ കുന്നില്‍ മുഹ്‌യുദ്ദീന്‍ ജുമാമസ്ജിദ് ഖബര്‍സ്ഥാനില്‍.

Keywords:  Qurhan, Uppala, House, Hotel, Kasaragod, Kerala News, International News, National News, Gulf News, Health News, Educational News, Business News, Stock News, Gold News.