ക്ലീനര്‍ ഹൃദയാഘാതം മൂലം മരിച്ചു

By Web Desk SNNov 9, 2017, 15:34 IST

ബദിയടുക്ക: (www.kasargodvartha.com 09/11/2017) ക്ലീനര്‍ ഹൃദയാഘാതം മൂലം മരിച്ചു. മുണ്ട്യത്തടുക്കയിലെ പരേതനായ ഗണേശ- കമല ദമ്പതികളുടെ മകന്‍ ബാബു (43)വാണ് മരിച്ചത്. കാസര്‍കോട്- മുണ്ട്യത്തടുക്ക റൂട്ടിലോടുന്ന വീരഹനുമാന്‍ ബസിന്റെ ക്ലീനറാണ്. വ്യാഴാഴ്ച പുലര്‍ച്ചെയാണ് അന്ത്യം. ബുധനാഴ്ച രാവിലെ നെഞ്ചുവേദനയെ തുടര്‍ന്ന് ജനറല്‍ ആശുപത്രിയില്‍ പ്രവേശിപ്പിച്ചിരുന്നു.

ഹൃദയസംബന്ധമായ അസുഖമാണെന്നും മംഗളൂരുവിലെ ആശുപത്രിയില്‍ ചികിത്സ തേടണമെന്നും ഡോക്ടര്‍ നിര്‍ദേശിച്ചു. ഇതിന്റെ അടിസ്ഥാനത്തില്‍ വീട്ടിലേക്ക് തിരിച്ചുവന്നു. എന്നാല്‍ ആശുപത്രിയിലേക്ക് പോകുന്നതിനു മുമ്പെ പുലര്‍ച്ചെയോടെ മരണം സംഭവിക്കുകയായിരുന്നു.