വാഹനാപകടത്തില്‍ പരിക്കേറ്റ വ്യാപാരി നേതാവ് മരിച്ചു

നീലേശ്വരം: വാഹനാപകടത്തില്‍ പരിക്കേറ്റ് കോഴിക്കോട് മെഡിക്കല്‍ ആശുപത്രിയില്‍ ചികിത്സയിലായിരുന്ന വ്യാപാരി നേതാവ് മരിച്ചു. വ്യാപാരി വ്യവസായി യൂണിറ്റ് പ്രസിഡന്റ് അബ്രഹാം മാത്യു (58) ആണ് ചൊവ്വാഴ്ച ഉച്ചയ്ക്ക് മരിച്ചത്.

മൃതദേഹം ബുധനാഴ്ച വൈകിട്ട് നാട്ടിലെത്തിക്കുകയും വ്യാഴാഴ്ച ബളാല്‍ സെന്റ് ആന്റണീസ് ദേവാലയ സെമിത്തേരിയില്‍ സംസ്‌ക്കരിക്കുകയും ചെയ്യും. കോട്ടയത്തെ ബന്ധുവിന്റെ മരണാനന്തര ചടങ്ങില്‍ പങ്കെടുത്ത് ബന്ധുക്കളോടൊപ്പം മടങ്ങവെ കാര്‍ മാഹിക്കടുത്ത് റോഡ് ഡിവൈഡറിലിടിച്ച് മറിഞ്ഞാണ് അബ്രഹാം മാത്യുവിന് പരിക്കേറ്റത്. തിങ്കളാഴ്ച പുലര്‍ചെയായിരുന്നു അപകടം.

ഭാര്യ: ദീന. ബളാല്‍ ഫെഡറല്‍ ബാങ്ക് ജീവനക്കാരി ട്രീസ, വിദ്യാര്‍ത്ഥികളായ ദിയ, വിദ്യ മക്കളാണ്. സഹോദരങ്ങള്‍: ജോജന്‍, ആനി, സണ്ണി, സജി, പരേതനായ അഡ്വ. ടി.എം. ജോസ്. നിര്യാണത്തില്‍ ഏകോപന സമിതി ജില്ലാ ഭാരവാഹികളായ കെ. അഹ് മദ് ഷരീഫ്, ജോസ് തയ്യില്‍, മാഹിന്‍ എന്നിവര്‍ അനുശോചിച്ചു.

Also Read:
തനിക്കെതിരായ ചാനല്‍ ദൃശ്യം കെട്ടിച്ചമച്ചത്: അസം ഖാന്‍
Keywords: Nileshwaram, Obituary, Kasaragod, Kerala, Injured, Accident, Merchant Leader, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.

Advertisement: