അമ്പത്താറുകാരന്‍ ആശുപത്രിയില്‍ മരിച്ചു

By Web Desk SNSep 24, 2017, 16:18 IST

ബദിയടുക്ക: (www.kasargodvartha.com 24.09.2017) തലവേദനയെ തുടര്‍ന്ന് ആശുപത്രിയില്‍ ചികിത്സയിലായിരുന്ന അമ്പത്താറുകാരന്‍ മരിച്ചു. ബീജന്തടുക്ക കനകപ്പാടിയിലെ അപ്പയ്യനായകാ(56)ണ് മരിച്ചത്. കൂലിതൊഴിലാളിയായ അപ്പയ്യനായക് ശനിയാഴ്ച വൈകിട്ട് ജോലി കഴിഞ്ഞ് വീട്ടിലെത്തിയപ്പോള്‍കടുത്ത തലവേദന അനുഭവപ്പെട്ടു.

വേദന അസഹനീയമായപ്പോള്‍ മംഗളൂരുവിലെ ആശുപത്രിയില്‍ പ്രവേശിപ്പിച്ചെങ്കിലും ഞായറാഴ്ച രാവിലെ മരണം സംഭവിക്കുകയായിരുന്നു. ഭാര്യ: സുശീല (ബാറടുക്ക അംഗന്‍വാടി വര്‍ക്കര്‍). മക്കള്‍: ദിവ്യ, ദിലീപ്. സഹോദരങ്ങള്‍: അപ്പുനായക്, ഗംഗമ്മ, ശാന്ത.