മീന്‍ വണ്ടിയിടിച്ച് ഓട്ടൊ റിക്ഷയില്‍ നിന്ന് തെറിച്ചുവീണ 5 വയസുകാരി മരിച്ചു

ചട്ടഞ്ചാല്‍: മീന്‍ വണ്ടിയിടിച്ച് ഓട്ടൊ റിക്ഷയില്‍ നിന്ന് തെറിച്ചു വീണ് അഞ്ച് വയസുകാരി അതിദാരുണമായി മരിച്ചു. ചട്ടഞ്ചാല്‍ ഹയര്‍സെക്കന്‍ഡറി സ്‌കൂളിന് സമീപത്തെ പട്ടുവത്തില്‍ ഷരീഫ്-ഷബാന ദമ്പതികളുടെ മകള്‍ ഫാത്വിമയാണ് മരിച്ചത്. വ്യാഴാഴ്ച വൈകുന്നേരം 6.50 ഓടെ ദേശീയ പാതയില്‍ ചട്ടഞ്ചാല്‍ ജുമാമസ്ജിദിന് മുന്‍വശത്തായിരുന്നു അപകടം.

Fathima

കാസര്‍കോട് നിന്നും കാഞ്ഞങ്ങാട്ടേക്ക് പോവുകയായിരുന്ന കെ.എല്‍ 55 ജി 7246 ലോറി കെ.എല്‍ 60 ഡി 3431 ഓട്ടോയിലിടിക്കുകയായിരുന്നു. ചട്ടഞ്ചാല്‍ ഭാഗത്തു നിന്ന് മാതാവിനൊപ്പം ഓട്ടോയില്‍ കോളിയടുക്കം റോഡിലുള്ള വീട്ടിലേക്ക് മടങ്ങുന്നതിനിടെയാണ് അപകടം. ഇടിയുടെ ആഘാതത്തില്‍ റോഡിലേക്ക് തെറിച്ചു വീണ കുട്ടി സംഭവ സ്ഥലത്തുവെച്ചു തന്നെ മരണപ്പെട്ടു.

മൃതദേഹം കാസര്‍കോട് ജനറല്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. ഒരു വയസുകാരി മറിയം ആണ് ഫാത്വിമയുടെ സഹോദരി. പിതാവ് ഷരീഫ് ഗള്‍ഫിലാണ്. Keywords : Chattanchal, Accident, Child, Obituary, Kasaragod, Kerala, Fish Lorry, KSRTC-bus, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.

Advertisement: