ഒരാഴ്ചക്കിടെ മൂന്ന് മരണം; കൊപ്പളം തേങ്ങുന്നു

മൊഗ്രാല്‍: (www.kasargodvartha.com 12.04.2019) മൊഗ്രാല്‍ കൊപ്പളം പ്രദേശത്ത് ഒരാഴ്ചക്കിടെ ഉണ്ടായത് മൂന്ന് മരണങ്ങള്‍. മൊഗ്രാല്‍ കൊപ്പളം ജമീല മന്‍സിലില്‍ കെ എം ഷാഫി (58)യാണ് വെള്ളിയാഴ്ച പുലര്‍ച്ചെ ഹൃദയാഘാതത്തെ തുടര്‍ന്ന് മരണപ്പെട്ടത്. പെട്ടെന്നുണ്ടായ മൂന്ന് മരണങ്ങള്‍ കൊപ്പളം പ്രദേശത്തെ ദുഃഖത്തിലാഴ്ത്തിയിരിക്കുകയാണ്.

പ്രവാസിയായിരുന്ന എം എ അബ്ബാസ് കൊപ്പളം, ജുമാ മസ്ജിദ് കമ്മിറ്റി അംഗവും ഗുജറാത്തിലെ വ്യാപാരിയുമായിരുന്ന ഹസൈനാര്‍ അന്തുഞ്ഞി കൊപ്പളം എന്നിവര്‍ കഴിഞ്ഞ ദിവസം മരണപ്പെട്ടിരുന്നു.

മൊഗ്രാല്‍ പുത്തൂരിലെ വ്യാപാരിയായിരുന്നു ഷാഫി കൊപ്പളം. മൊഗ്രാല്‍ കടപ്പുറം വലിയ ജുമാമസ്ജിദ് കമ്മിറ്റി അംഗമായും സേവനമനുഷ്ഠിച്ചിരുന്നു. ഭാര്യ: ആഇശ. മക്കള്‍: ശിഹാബ്, സനൂബ്, ജമീല, ആരിഫ. മരുമക്കള്‍: മുനീര്‍ ചെമ്മനാട്, സിദ്ദീഖ് പൊയിനാച്ചി, സാജിറ മൊഗര്‍. സഹോദരങ്ങള്‍: അബ്ബാസ് കൊപ്പളം. മുഹമ്മദ് കൊപ്പളം. അബൂബക്കര്‍ കൊപ്പളം, അബ്ദുല്‍ ഖാദര്‍ ഫൈസി, ഇബ്രാഹിം (ദുബൈ). നിര്യാണത്തില്‍ മൊഗ്രാല്‍ ദേശീയ വേദി അനുശോചിച്ചു.