ടാപ്പിംഗ് തൊഴിലാളി കുഴഞ്ഞ് വീണു മരിച്ചു

ബദിയടുക്ക: (www.kasargodvartha.com 05.04.2014) ജോലിക്കിടയില്‍ കുഴഞ്ഞ് വീണ് ചികിത്സയിലായിരുന്ന ടാപ്പിംഗ് തൊഴിലാളി മരിച്ചു.മുണ്ട്യത്തടുക്ക കാരമൂലയില്‍ താമസിക്കുന്ന കോഴിക്കോട് കുറ്റിയാടി സ്വദേശി ജോസ് എന്ന വിജയന്‍ (58) ആണ് മംഗലാപുരം ആശുപത്രിയില്‍ മരിച്ചത്.

കഴിഞ്ഞ ദിവസമാണ് ജോസ് കുഴഞ്ഞു വീണത്. എല്‍ങ്കാനയില്‍ റബ്ബര്‍ ടാപ്പിംഗ് നടത്തിക്കൊണ്ടിരിക്കുന്നതിനിടയിലാണ് ദേഹാസ്വസ്ഥമുണ്ടായി കുഴഞ്ഞ് വീണത്. മംഗലാപുരം ആശുപത്രിയില്‍ ചികിത്സയിലായിരുന്ന ജോസ് വെള്ളിയാഴ്ച വൈകിട്ടാണ് മരിച്ചത്.

പരേതനായ ജോസഫ്-മറിയം ദമ്പതികളുടെ മകനാണ്. ഭാര്യ: സസിയ. മക്കള്‍: ജോവി, ജിമി, ജോമോന്‍. മരുമക്കള്‍: സിമി, വിന്‍ജ, ജില്‍ജ. സഹോദരങ്ങള്‍: അഗസ്റ്റിന്‍, സെബാസ്റ്റിയന്‍, ജോണ്‍, ലിസി, സാലി.