പന്തെടുക്കാന്‍ പുഴയിലിറങ്ങിയ യുവാവിനെ കാണാതായി; തിരച്ചില്‍ ആരംഭിച്ചു, പ്രാര്‍ത്ഥനയോടെ നാട്

കാസര്‍കോട്: (www.kasargodvartha.com 30.09.2018) പന്തെടുക്കാന്‍ പുഴയിലിറങ്ങിയ യുവാവിനെ കാണാതായി. ചേരൂര്‍ എലിഞ്ചയിലെ എ എം അബ്ദുല്‍ ഖാദറിന്റെ മകന്‍ ആഷിഖിനെ (20)യാണ് ചേരൂര്‍ പുഴയില്‍ കാണാതായത്. ഞായറാഴ്ച സന്ധ്യയോടെയായിരുന്നു സംഭവം.

കൂട്ടുകാര്‍ക്കൊപ്പം ഫുട്‌ബോള്‍ കളിക്കുന്നതിനിടെ പന്ത് പുഴയില്‍ വീഴുകയായിരുന്നു. ഇതെടുക്കാനാണ് ആഷിഖ് പുഴയിലിറങ്ങിയത്. ഈ സമയം ശക്തമായ ഇടിയുണ്ടായതായും പറയുന്നു. തുടര്‍ന്നാണ് ആഷിഖിനെ കാണാതായത്.

വിവരമറിയിച്ചതിന്റെ അടിസ്ഥാനത്തില്‍ നാട്ടുകാരും ഫയര്‍ഫോഴ്‌സും പോലീസും സ്ഥലത്തെത്തി യുവാവിനെ കണ്ടെത്താന്‍ പുഴയില്‍ തിരച്ചില്‍ ആരംഭിച്ചു. പ്ലസ് ടു പഠനം പൂര്‍ത്തിയാക്കിയ ആഷിഖ് കൊച്ചിയിലെ കടയില്‍ ജോലി ചെയ്തുവരികയായിരുന്നു. അവധിക്ക് നാട്ടില്‍ വന്നതായിരുന്നു.