സ്വാമിയുടെ ലിംഗം മുറിച്ച സംഭവം ക്രൈംബ്രാഞ്ച് അന്വേഷിക്കും

തിരുവനന്തപുരം: (www.kasargodvartha.com 18.06.2017) ഗംഗേശാനന്ദ തീര്‍ത്ഥപാദ സ്വാമിയുടെ ജനനേന്ദ്രിയം മുറിച്ച സംഭവം ക്രൈംബ്രാഞ്ച് അന്വേഷിക്കും. സ്വാമിയുടെ ജനനേന്ദ്രിയം മുറിച്ച സംഭവത്തില്‍ അന്വേഷണം ക്രൈംബ്രാഞ്ചിന് കൈമാറാന്‍ തീരുമാനമായി. അന്വേഷണം കൈമാറുന്നതിനുള്ള ശുപാര്‍ശ തിരുവനന്തപുരം റേഞ്ച് ഐജി ഡിജിപിക്ക് കൈമാറി.

പോലീസ് അന്വേഷണത്തില്‍ തൃപ്തിയില്ലെന്ന പെണ്‍കുട്ടിയുടെ വാദവും പ്രതിഭാഗം അഭിഭാഷകന് എഴുതിയ കത്തും പിന്നാലെ വന്ന ടെലിഫോണ്‍ സംഭാഷണവും വെളിപ്പെടുത്തലുകളും എല്ലാം പരിഗണിച്ചാണ് അന്വേഷണം ക്രൈംബ്രാഞ്ചിന് കൈമാറാനുള്ള തീരുമാനം.


കോടതിയില്‍ ഹാജരാക്കിയ കത്തും ടെലിഫോണ്‍ സംഭാഷണവും അന്വേഷണത്തിന്റെ ഭാഗമായി പരിശോധിക്കും. ബ്രെയിന്‍ മാപ്പിംഗ് ടെസ്റ്റും പോളിഗ്രാഫ് ടെസ്റ്റും നടത്താന്‍ പോലീസ് കോടതിയുടെ അനുമതി തേടും. അതേസമയം, സ്വാമിയുടെ ജാമ്യാപോക്ഷയും തിങ്കളാഴ്ച പരിഗണിക്കും.