Train | മംഗ്ളൂറിൽ നിന്ന് ആദ്യ വന്ദേഭാരത് എക്‌സ്പ്രസ് ഡിസംബർ അവസാനത്തോടെ പ്രധാനമന്ത്രി ഫ്‌ലാഫ് ഓഫ് ചെയ്യും; സർവീസ് ഗോവയിലേക്ക്; രാമേശ്വരം, ഭാവ് നഗർ പ്രതിവാര ട്രെയിനുകളും ഉടൻ; പുതിയ 2 പ്ലാറ്റ്‌ഫോമുകളുടെ ഉദ്ഘാടനത്തിനും ഒരുങ്ങി

മംഗ്‌ളുറു സെൻട്രലിൽ പുതുതായി നിർമിച്ച രണ്ട് അധിക പ്ലാറ്റ്‌ഫോമുകളും ഇതേസമയം ഉദ്ഘാടനം ചെയ്യാൻ സാധ്യതയുണ്ടെന്ന് റെയിൽവേ പ്രവൃത്തികളുടെ അവലോകന യോഗത്തിന് ശേഷം എംപി മാധ്യമപ്രവർത്തകരോട് പറഞ്ഞു. കഴിഞ്ഞ വർഷം പ്രഖ്യാപിച്ച മംഗ്‌ളുറു - ഭാവ്‌നഗർ, മംഗ്‌ളുറു - രാമേശ്വരം എന്നീ രണ്ട് പ്രതിവാര ട്രെയിനുകളും ചടങ്ങിൽ ഫ്‌ലാഗ് ഓഫ് ചെയ്യുമെന്നും അദ്ദേഹം വ്യക്തമാക്കി.

വിയൗപുര-മംഗ്‌ളുറു ജൻക്ഷൻ, യശ്വന്ത്പൂർ-മംഗ്‌ളുറു ജൻക്ഷൻ, മുംബൈ സിഎസ്എംടി-മംഗ്‌ളുറു ജൻക്ഷൻ എക്‌സ്പ്രസ് ട്രെയിനുകൾ മംഗ്‌ളുറു സെൻട്രലിലേക്ക് നീട്ടുന്ന കാര്യത്തിലും അദ്ദേഹം ശുഭാപ്തി വിശ്വാസം പ്രകടിപ്പിച്ചു. ഇതിനായുള്ള സമയക്രമവും മറ്റും തയ്യാറായി വരികയാണെന്ന് പാലക്കാട് ഡിവിഷണൽ റെയിൽവേ മാനജർ അരുൺ കുമാർ ചതുർവേദിയും പറഞ്ഞു.